朗聲四起

u adingu maydih tu cilal. u adingu maydih tu bulad. u adingu malecad tu mitizinaay, sani inuayawan, sani inudikudan milimek. patelatela’ kaku, patelatela’ cinida; mutukud kaku mutukud cinida.

kalahukan inayi’ tu, malecad tu miliyasay i takuwan, mihica kaku, mahida tu. adingu, anu i cuwacuwa, miladay i takuwan. hanca nayi’ ku udip nu adingu, nika idawan aku kyu misamelit. painging i cilal misangelu’ malalukay a tademaw, makaydih tu adingu nida; mikilidungay a tademaw, caypakadih tu adingu nida.

“ nayi’ pasengalan minanam” a tademaw malecad tu adingu malalaba’, caay pakaletep kisu, nika mikilul i tapingan isu, anu misaicelang kisu cayka utang, a malacacay kita atu adingu, matalul, suayaw, macakat, lipahak, caysengal, ngutad, adingu malecad tu nisa adiding tu ita, u adingu ita amana haw, kawnika cacayen ita kalaluk kyu cayculal ku tangah.

u adingu mucebang tu nikabalakiyan ita, nanu wawa wakawaksahen ku adingu, katukuh ini kataniktik nu udip, katukuh ini kabalaki makunul ku adingu, malawit cay tu tiku. simacecay amin ku tademaw tu adingu, la’tus kaw caykaw papili’an, caypiliyas. paenengenta ku kasenengan a adingu, tadimecmec han kuni cakatan ama udip, ayda yanisaicelangan isu paayaw tu adingu, anu duma tu a demiad caykanca paini tisuwan tu telatela’.

anu idaway tu ku takelal i daway tu ku adingu, sisa u tademaw kay tini tu haw i takelalay, pasayda i takelal, milikeluh tu sakasaan tu takelal, manakaytidatida tu i duutay, milamel i duutay. anu maselu’ i duutay haw, pisaicelangi tu tayda i takelalay, anu i teban nu dadan madaceb nu yadahay a bades, amana pisayadah ku balucu’, u sakasaan napacitan haw idaw tu ku sananal, anu maledu tu ku balucu’, sahemhem, sadungdung a mizatengan tu tatudu’en lalid misaicelang, mutenes kya haw kanca maliyaw isu ku duutay.

影子喜歡太陽和月亮。影子就像魔法師，在我前後出沒。

中午又没了蹤影，它是我的分身，我做什麼，它也做什麼。影子沒有生命，但因我而精彩。烈日下努力工作的人，看得到自己的影子；躲在陰影下的人，看不到自己的影子。

人生就像跟影子賽跑，你永遠追不上它，但它隨時停在身旁。我們要做個身影合一的人，勇敢、正面、向上、樂觀、積極、進取，影子就是我們自己的縮影。 

影子記錄我們成長，孩提搖晃的身影、年少英挺的身軀，再到老年彎著腰的背影，走過就不再重頭。自己的影子，好壞都無從選擇。唯有把握每個人生階段，今天你為影子努力，日後影子會為你喝采。

有光亮才有影子，人必須常在光明之處，迎向光明。如果不幸正處在黑暗之中，也要努力向光明前進。如果路途中遭遇了許多的困境，也不要灰心，因為黑暗之後就是黎明，只要有恆心、耐心，堅持理想與目標繼續努力，ㄧ定可以脫離黑暗。