朗聲四起
kalalikidan sa ipabaway nu niyazu’ a lisin, tabaatay mikuli a wawa taluma’ amin, waniken amin ku kawaw taluma’ milhiza. pakatulu ku lisin, sakatusa demiad sa i pabaway a lisin, i sananal matabal pasuni tu dadiw nu yincumin, muwiywiy tu ku tumuk patayni i kalalikidan. pacadungan nu bayi kami tu sakalalikid a cuung, manamuh a tayza kalalikidan, mabaat madih tu ku matatungduday a picacekulan, hang u cuung tu yincumin kuyzaan. katukuh sa u wawa u babalaki sicaedung amin tu lusid, u amelimelitan belibeliyangan, u zuma tu kasalungan.
sacangad sa u satakus a lukyaw, cacay ku mutengaway micaladaw tu wamin ku katuuday, palecad tu kuku’ sa kimulumulu sa kakaliw han aku kinatulutulu sa mananam tu, miladay tu katuuday u zuma kalipahak.
kalahukan itiza i putah malahuk, sakabien ku titi nu pabuy, nipacikahan a titi, lukut, sakicala’tu hakhak saasu’ay a lahuk. saedem tu tuluay a demiad a lisin, u masakapahay tabukelal mibuting, sapakan tu babalaki nu niyazu’, nu tuas a lisin, saduduc a palaw, u nipili atu nu kalas nu niyazu’, sipaucul i masakapahay. u sakatineng aku tu lalikid i hekal, lidalid sa mudadiw misalukyaw, nu tuas sapataheka tu kan, maydih kaku tu lawla nu niyazu’ay, tadapaydang tu namuh nu balucu’, caykacakay nu kalisiw kina tatenga’ay lipahak.
caykaw wica, ayzaay a nikalalikid haymaw sa tu masumad inayi’ tu ku nu kasumamadan a natuasan, naayaway a nikalalikid sa u nipasubana’ munanam tu selal ku salalabun, uyzaan haw u milecekay sangelu’ay nu selal kuyza, munanam tu selal nu masakapahay sayaway sa sakay sadiput tu niyazu’ atu salitin. anu cacay haw sikatusa a bulad ku sananam haw, sazikuzay palada’, mapulung ku kan, malipahak, mipili’ tu sasakadabun. namakay sacakayay a sakaniyazu’ sa, miliyas tu wamin ku masakapahay tu niyazu’ taputah, misakuli tu sakauzip, misaselal hananay sa mahaymaw tu masidsid, lawpes satu. anu kalalikidan tu nu mita sa, katineng tu i ayaw sakakaay nu niyazu’ tu i labuay a lalangawen.
豐年祭是重要的祭典，擴音器播放原住民的歌曲，頭目會催促大家換上傳統服裝前往會場。活動從迎賓舞開始，中午則享用水煮豬肉、生鹹豬肉、三蘇菜、小辣椒、糯米飯傳統的美食，所有傳統祭祀、活動形式，都是經過部落耆老認可，再交由年輕人執行。
過去的豐年祭以年齡階級訓練在維護部落安全與部落傳承，現今年齡階級制度逐漸沒落、消失，因此，藉由豐年祭能了解過去的文化內涵。