i ayaw idaw ku cacay a babalaki, anu tacuwacuwa, siniawit aca tu cacay a landaway. micaliway tu sasa’deb, anu kekkek sa ku sasa’deb, cebusan tu nida i kakelic. anu tahpapa cinida tu ahbeday a sasa’deb sa, pasipasipan nida tu simal i balat nu sasa’deb. nikaudipan nida sa u nipasimal dada’ ku kawaw, sikalihalay nu biyaw atu makatayniay a tademaw. cikalalucek sa ku taw cinidaan; nika caykasatedep cinida tu kawaw, maluhac tu ku lanwayay, laculan aca nida, maluhac laculan aca.

katuud ku tademaw, u kawaw nu heni sasiwasiwatid sa, u maynahay… mangalay ku heni tu sakalipahak a simal, apekay a simal, sidaitay a simal. sinikelid haw kisu tu simal? isu kasinikelid tu sasa’dap a simal, nanusananal tahlabi palada’ itawan, sipakayni isu imacapiyay. hakya nipaya isu tu sananal a simal, kasademiadan nida. sipalada’yi imasengetay a tademaw, sakamun tu satulun ku pusuhay a tademaw, u tada bangcalay tina kawaw!

kinapinatu, cacay a tesi’ ku dihi a simal, mapasumad ku ahbeday nu sicumiay a tademaw, cacay ku mitesekay a kamu, i ayaw nu malalumay, malecad tu mapacilu’ay i duutay, ini kaudip ita malalikeluh kinapina? tadimecmecen ku bangcalay a nika lalikeluh?

adihen ita ku saniyadu’, u meduk sananay a sidayit i tawan, miedap tu tademaw, paayaway i tawan tu tadiuc a tademaw sa inayi’ inayi’. naayaw itini i niyadu’, mahida amin u cacayay a laluma’an, sidayit tu malabadesay a tademaw i niyadu’, atu madacepay nu cekak a tademaw,i niyadu’ katuud ku mipisaicelangi haw sananay a tademaw, anu macakat tu ku saniyadu’ haw sa, masatukaytukay satu, i tukayay amin a tademaw, caaytu kasidayit tu ibiyaway a tademaw, inay’ amin ku lawad, sanidanida satu maudip, u sakay tademaw a balucu’ i nayay tu. sisa, aydaay a nikasaniyadu’ u sakaydihan sa u sakalipaayaayaw sa nanay i tawan, sidayitay i tawan a tademaw.

從前有一位老人，無論走到什麼地方，總是帶著一小瓶的油。如果門上發出輾軋的響聲來，他就倒一些油在鉸鏈上。如果他遇到一扇難開的門，他就塗一些油在門閂上。他一生就是這樣做加油的工作。

有許多人，每天的生活很不和諧，充滿了軋軋聲，咒罵聲。他們需要喜樂的油、溫柔的油、關切的油。

你應當隨時帶著你的幫助油，從你最近的人分起。也許你早晨分給他的油，可以供他一日的應用。把喜樂的油分給沮喪的人，對絕望的人說一句鼓勵的話。

一滴恩慈油，會教一個罪人軟化過來，一句悅耳的話，對於一顆憂傷的心，如同亮光照入黑暗洞穴。

現在的社會，能夠主動關懷別人，為別人解決問題的人似乎越來越少。過去在部落裡有很多為大家加油的人，總像一家人一樣去關心部落裡生活困苦或者是遭遇困難的人。

而都市裡的人們，似乎不再關心周圍的人，人與人之間的關係變得淡薄。所以，現在的社會最需要的就是可以為別人加油、關心別人的人。