朗聲四起

amalakada a tademaw amed, nika anu makadaay a tademaw, izaw aca ku ilabuway nu balucu’ niza tusa kilim tu da’su. “ da’su ” hakya ameday adidiay a kawaw, hakya u dadiw, hakya u ziwga, matumes nu namuh mikawaw tu kalipahak kansa “ u da’su ”, uyda abesaay, anu matatungus sa, “ u da’su ” kayza. katuud ku pakuyuc a uzip, mangelu’ mukilim tu da’su, nika isasa’ nu sazipa’ ku da’su, luunghan maala tuway.

matekesay atu bangcalay a tuud, hakya caay kaw da’su, alahican u da’su mapicpicay. nika anu matatungus tu datengen isu, anu mahicahica? unikayza isu mada’suway, sakasaan u da’su hananay yanikayzan isu a lipahak.

u da’su cayay katebing, alahican kaliwhan ita namahica katayni? tenga’ “ unikaudip sa u babuwakan nu da’su ”, u kakaydihan a kawaw, mudadiw tu kakaydihan isu mudadiw, waniken isu kubeday, ya aliyacay i balucu’ isu liwanitu ku adiding, papaluman tu kilang nu balucu’, basbasen, padameki, azihen tu ku nihaymaw tabaki, u da’su kuyza.

u da’su sipaladayi, sipasubana’i itawan, kya a matineng ku taw tu nikaymaw isu tu heniyan, kya katuud ku sida’suway a tademaw. mamin palada’, ibalucu’ay isu anu matumes nu namuh, u tabakiyay a da’su. kyu, kasawsawni muzateng tu sapiedap itawan, palada’ tu da’su.

u sakasida’su ku kapahay a balucu’, anu yaan, anu i cuwacuwa, ya da’su isu ya namuh isu, u tawa isu, pasubana’en ku nikadihan a tademaw. anu idaw ku nituduen isu, kaw nitudu’an isu ku saicelang, micapi tu ku da’su, dawis han u lima maala tu. mangelu’ mukilim tu da’su, mayca sakapahan ku uzip, kya tayni mukilim ku da’su tisuwan. cacay kadaay a tademaw, u cayay kakada ku balucu’, u sasida’suway atu namuh. u macakatay a nikauzip, mikacaw i da’suway a balunga, muculil i teban nu bayu, mubihbih tu lipahakay a sakubad, mabahel i bancalay a tapuku. kinacacay caykaw nipateng misuzikud, tadu makaazih tu i labuway a balucu’ nikasibalu i palaludan, api’ ku likat nu cilal. alaw u muenengay tu i dada’suan.

再平凡的人，他的內心深處都會有一個追求幸福的夢想。滿懷感激去做愉快的事就是「幸福」。幸福就是過程中的樂趣。幸福的感覺很微妙，「生活就是一切幸福的泉源」。幸福需要分享，分享之後，他人幸福，自己的心靈也愉悅而滿足，將幸福、快樂、微笑，告訴每一個你所見到的人，讓自己變得更好，讓幸福來找自己。

一次不經意的回頭，忽然發現自己的心靈深處已是春暖花開、陽光明媚。原來，自己真的置身在幸福之中。