朗聲四起

itini nu kamuwan a pakayzaan. di’tu nu bayu ci Kabit u kakatalawan nu tademaw. usakasa atekak ku balucu’ niza. hina sumad a maynah atu amanamuh. kanahatu pabeli ku bayu tu canacanan a kakanen. uyzasa alamihcaan palawacu’.

i nuwaliyan ku eneng nu di’tu nu bayu. u kawaw sa sakibayu, sa’wac, demiad atu udad. u katalawan nu tademaw sa baliyus, ninel u nikuwanan nu di’tu a bayu. u canacanan sa masasiket tu di’tu nu bayu. hina tabayu ku mibutingay. kyu hinatalaw tu di’tu nu bayu. anu pacakeban nu di’tu nu bayu. amalawacu’ atu katalawan ku uzip nu mibutingay.

u kamu nu naayaway. palikutay a Alikakay u tima’ ku sapisawacu a tacuwacuwa. malabades ku niyazu’ atu tademaw amin. katuud ku mapatayay nu selal namibahbah tu palikutay a Alikakay. musepi mapadang nu Kabit a di’tu nu bayu. sipakayza i nisepi nu tumuk kuni pasubana’ tu sapidemec tu ada. kyu lihalay a mibahbah tiza palikutay a Alikakay. sapikukay niya nya palikutay a Alikakay tu caypipatay cinizaan. apabeli tu iyadahay a buting i titaan tu mihmihcaan, tu sapatukil i tademaw sa. namakayza, kasibutingan a bulad sa.

sikawaw ku niyazu’ tu mila’dis a mikukay tu di’tu nu bayu. kizekize:mu ku uzang atu buting. saicelangen ita. mutengteng tu salil patabalunga. kukay u nipiedap nu pauzipay nu bayu. ngay madiput ku binacadan i bayu matumes ku sakataluma’. u likat nu bunac i pabaw nu bayu. mapacilu’ ku niculil nu balunga. apulungen niyam ku papah nu lucik. amipuhpuh tu sapaculil tu balunga. sapilunguc tu sadiput tu ibayuay a balunga. atayza amin ku tatama i dadipasan mila’dis. u nabalucu’an niyam a patahkal. nakanamuhan tu amiyala. napasepiyan tu kami. sapakapahen tu ku luma’ niyam. naedapen kami tabuyu’ amiadup. kayadahen tu ku nipiadup. lungucen tu ku ibayuay mikuliay a tademaw. atayza kami i dadipasan mila’dis. tabayu mibutingay a tatama. kasikazen tu niyam ku balucu’ a patungus tamuwanan. ini ku epah, tunuz, da’dac, bila’, tangah nu pabuy atu atay nu pabuy. sikulen tu ku tatama sakapahen ku uzip taluma’.

海神是最令族人畏懼的神祇，位居於東方，職司海洋、河流、天象與氣候，颱風、地震、乾旱、洪水異變與海神有關。漁民出海向前向海神求平安，遇久旱不雨或洪水氾濫，祭師會與海神溝通。

以前Alikakay肆虐，部落受災慘重。海神將驅逐Alikakay的妙方託夢給頭目，Alikakay報答不殺之恩，應允族人豐富的魚蝦。從此，部落就舉行「海神祭」感念海神，我們將芒草紮成布絨，拍拂船槳，祈求海上的船隻平安。準備祭品，舉行海祭，請神明祖靈護佑平安。