朗聲四起

Madadotoc ko takinay a romadiw i pisakalafian, toya pisatapang i, amerek a kafesa ko honi, kaorira nasafalifalicen to ko ngiha’, ikor i, xera sato ko matatodongay a sapangiha’. Toya kasadak no fo’is i tatato’eman to a kakarayan i, sakaeped sa ko ngiha’ no takinay a tengilen.

Malalokay a maomahay, tayo sa ko rakat a mi’o:rong to pitaw a minokay, sadak sa ho ko cidal maomahay to, tahira i piceleman no cidal nga’ pahanhan, o sakafecol no i loma’ay ko sakalalok a matayal. Ano i canghowahowaan a malalitemoh i, masasonga’ay ko maomahay, matawa ko papisingan nira a malalicay to nga’ay ho, mapapalemelemed to sakasihafayaw toni a mihecaan, mapapalimo’ot to kakaomahen no cila. o kaepeday, sidaitay, fangcalay a niyaro’ koni.

Masadak to ko folad, feliwfeliw sa ko faelohay a fali, sa’icel sa macelak ko falo. miyamayam i omaomahan ko tingalaway a saseraan, o nani kakahaday kangdaway a rengorengosan koni. Matakalmata:kal to ko radiw no takinay, misaimel a mahoni i cowacowa no omaomahan a pa’esol a ma’alol. Misatapang to ko wawa no niyaro’ misalama, micomikay i potal, maro’ i sikal ko malitengay a mahaholoholol, pakimad. Ira ko sirinomay siwalayay a mitapiday to riko’ a inaina, ira ko tano kamay sanay a mifoheci toya maicangay a ariray. Awaay ko maan no niyaro’, kaorira, mapalo ko faloco’ no cimacima to lihaday.

Cahocaho ka tadengal ko kakarayan, mi’orongay to sakamaomah a romakat i canghowahowaan ko maomahay, ira, misatapang to a matayal to kakaomahan anini. To sonisoni, misatapang to ko koko’ a masekak, tadengal sato ko pasawalian. Halafin, manengneng ko kakahaday a masamaamaanay a cengel a to’em, padotoc o ka:hengangay sinamalay a mali ko masadakay. Malikat ko tedi i rengorengosan no canghowa, o ’aresing koraan.

Laawaw to ko niyaro’ a misatapang, sedasedak sato ko mitiliday i lalan no niyaro’, pasikongkoan nira a romakat, misatapang to ko ’orip no niyaro’ i kalawlaan no mitiliday a masatapang.

月亮出來了，清新的微風陣陣吹來，田野上瀰漫著一種純淨而又神聖的氣息。蟋蟀的歌聲流暢而堅定地在田野各處鳴響。部落裡的小孩開始在曬穀場上嬉戲，大人們坐在草蓆上聊天。婦女們有的拿著針線修補衣服，有的還忙著用手撥下乾玉米上的玉米粒，每個人都滿足而幸福。深夜裡蟋蟀的歌聲漸漸消失，整個世界都安靜下來。人們進入了夢鄉，稻穗在月光下泛著青綠色的波浪。