朗聲四起

idu na pakalikudan na takakesien mu, parekipiya mi lra, di na adain muruma’ na eman diya mu, niyam parapecaw, na vavalrayan lra, na pakadaalram kana ma’a’idangan na valray adi ta malaalup minada muruma’ mu, adi ta kikaselru kananta sinsi. na patavuwan ta adayaw muruma’ lremisaw, nu adi mu, nu ’emanan lralrisaw ta lra kanidu na ’angliw na patavuwan, di kikaselru ta diya kana ma’idangan.

muruma’ ta kemay i kungkuwan mu, ulra na cau na yawa pusipan, ulra na mukuwa i ancinpan venavalray kanantu vaavalrain, di mengara diya kanantu ma’idangan na daduwa melaka kanintaw, ulra na kurelrang kana vutawke i kungkuwan. marengay i nani kaningku mu, nu kemay kungkuwan u mu, kadadika uruma’ pulralrang mapit kana caker kema.

ulra ku ngidayan a marelrang mi temakesi di mar’udalr mi, intaw nu meredek i ruma’ mu, payas mukuwa mapit kana caker, kemay pata tuki mapit palru kana ’aremeng nu pituwa tuki temalaurep lra, nantu inuvalesan adi pakaalak da saleman paysu, tatena’ padangal nu kietan ta da paysu!

’aremeng lra di piya lra demuru temusasiyaw kana keraravien i tayinataw, piya keravi kinganguwayan munimun kana ulra tu vaavalrain diya, di pavalray diya kanidu na pakadaalram kana ma’idangan na valray.

nu iniyan da caker da aapiten mu, semavesav datu patavuwan di remames diya kanantu ’aliyuc, piya mu, midap diya kanantu pacaran paliwliws, semulev diya mapec diya kana carangcang lra na vinayivay na kavakavang, di tu paresenesenengaw cemekip, salaw surimet i ngidalri.

nu kemay kungkuwan ku mu, kivangavang ku diya arainiyan ku da pinicepa kikarun i ruma’ mu, sadu ku nadanadaman kana duma na takakesiyan, mukuwa ku diya kananta dekalr na pananadam kananta kakuwayanan. menanadam mi data piningaiyan, di menanadam mi diya data senay, data dadawayin kana tinaraawac. nu ’aremeng lra pupana mi lra kananiyam vavalrayin i kungkuwan.

marengay i nani mu, “kuwaceng nu saya ta kinasayhu da takesiyan, ’inava nu sadu ta kinasayhuwan” kema.

最後一節課總算下課了，要帶回家的東西趕快收拾好。作業簿、聯絡簿要記得帶，回到家才不會挨罵。便當盒要帶回家洗，不然明天就要洗臭酸的便當，也會被老師罵。

放學後有的同學要去補習班上課，有的到安親班做功課等爸爸媽媽來接回家，有的參加學校的課業輔導。而我媽媽總是要我放學快點回家幫忙排葉子，一回到家後就開始排荖葉。從四點多排到晚上七八點。天黑了，媽媽也把晚餐做好了，吃飽了我先洗澡再寫功課，完成後還請媽媽檢查並在聯絡簿上簽名。

沒有葉子好排的時候，我要洗自己的便當和襪子，打掃外面四周環境，收納曬乾了的衣服並分類摺好。放學後雖然很忙碌，很少有時間玩，但，從工作中我學到了工作的方法。媽媽說：「不要做只會讀書的書蟲，是人還要學會做事。」