朗聲四起

Molah ko adingo to cidal, Molah ko adingo to fulad. Hato sikawasay ko adingo, sawni i ka’ ayaw ako, sawni i ka’ ikol ako. Mipi’ pi’ kako to kamay, mipi’ pi’ cingra to kamay; misatenotenok kako to oo’, misatenotenok cingra to oo’.

Awa sato ko tiring ningra to kalahokan, hato o lama a tiring ako cingra, mimaan kako, mimaan cingra. adingo, Ano hacowa to i cowa to, ano tala cowa to kako i, mitoolay to cingra i kakoanan. Ano awaawa ko sasera’ no adingo i, ka ilaayanay i kakoan i, makadofah ko kasasilomaloma no ’orip ningra.

Oya malalokay, misa’ icelay a maomah i sacidalan a tamdaw, pakanengnengay to niyah a adingo; oya milimekay i toemanay a tamdaw, caka pakanengneng to niyah a adingo.

“ Awa ko tolas no pinanam ” hato malalifetay cumikay to adingo no niyah to ko rakat no tamdaw, cowa ko mamalepel iso cingra tahadaoc, kaorira ano hacowa to ilaay to a tomireng i tatihi ita, ano makahi a misa’ icel cowa ko katayoan. Misahacecay to adingo a tamdaw kita, si’ icelen, pasinga’ ayayen ko faloco’, pasifafekangen ko faloco’, pasifangcalayen ko harateng, sakimokimolen, laloken ko pinanam, hato o masamimingay a niyah ko adingo, aka ka a pangodoen ko adingo ita to katoka no mita.

Tiliden no adingo ko kalahad ita, nani pisawalawala no tiring i kaemang ho, tahira i katanoktok no tatirengan no kakapahan, tahira i matakonolay a tatirengan no malitengay, namarekatay to cowa to ka miliyaw a misatapang. ila ko adingo no niyah to, ano nga’ ayay tatiihay awa ko papili’en ira, cowa ka pisi’ ikol a miliyas. Footen ita koya maawiday a adingo ita, salimlaen ko kasaetaetang no rakat no ’orip, mapasadak iso ko ’ical to pakini i adingo iso, lalalipahaken no adingo iso kiso to ’ikol.

影子喜歡太陽，也喜歡月亮。影子就像魔法師，一會兒在我前面，一會兒又躲到我後面。我拍拍手，它也拍拍手；我踢踢腿，它也踢踢腿。但到了中午它又没了蹤影，它就像我的分身，我做什麼，它也做什麼。影子，無論何時何地，無論我在那裡，它總是跟着我。

烈日下辛勤努力工作的人，看得到自己的影子；躲在陰影下的人，看不到自己的影子。「學無止境」，人生就好像在跟自己的影子賽跑，你永遠追不上它，但它隨時都停留在我們身旁，只要肯努力永遠都不嫌晚。我們要做個身影合一的人，勇敢、正面、向上、樂觀、積極、進取，影子就好像是我們自己的縮影，千萬不要讓我們的影子，因我們的不努力而出不了頭。 

影子記錄著我們的成長，從孩提時代搖晃的身影，到年少英挺的身軀，再到老年彎著腰的背影，走過了就不能再重頭。唯有把握好人生的每個階段，才能留下自豪的身影。今天你為影子付出了努力，日後影子將會為你喝采。