朗聲四起

O tadamaanay a lisin no ’Amis ko kiloma’an hananay, Oya miliyasay to niyaro’ a tala potalay maomah a wawa, pahanhan a matayal a minokay micafay toni tadamaanay a saopo. Toni tolo romi’ad a demark i, o sakatosa a romiad ko tadasidemakay, pacelem a mapahoso ko ladiw no yincumin, patodong ho ko kakitaan a miocol to finawlan to kasopo i sefian. pacafayen no fofo kami a pacaedong to riko’, hemek sa tayra i sefi, manengneng to ko cecay tosaay tingloh ko ka’akawang a pikacawan i raay, hay hay hay, caay ka raraw, ono yincumicu: min aca koraan a sanek. Tahira sefi, nengneng han, siriko’ to nalitengan ho a caedong ko fa’inayan, fafahiyan, malitengay ato wawawawa, matedi a malikat ko cengel, tadamakapa: hay to.

O mitahidangay to cimacimaan a kero ko sa’ ayaway a demak, malakitikiting to kamay maemin mapolong, cecay ko midiheciway, mitool a romadiw ko romaroma, patatodong to oo’ a misaarawrawrawraw a mekero, o niyah o mafokilay a romadiw ato kero i, kinapina ko perok, matool to ko pongpong no radiw, tadakalipahakan to a mihacafay to taoan a matawa a mahemek.

Malahok i sefi ko finawlan maemin to kalahokan, o misakohawan a titi no diyong, o siraw, o paheko, o lingkiw, pasikaenen han to hakhak, ono Pangcah to a aledetay a kakaenen ko ninian. Pakelang to kakapah no kalaheci tona tolo romi’ad demak sa, tala’alo a mifoting ko kapah i ’ikol, pakaen to malitengay no niyaro’, nga o makapahay a soelinay a herek. Ila ko sowal no wina ako, o silaylayay to kapotan ko ’Amis, pakini to nalitengan a salisinan, o kalodemademakan, ano i:la ko hai no malitengay no niyaro’, nga, o kapah to ko midadademademak sa. Pakini i kiloma’an a pantaay a kafana’an ako i, o cowa ka keton ko kero ato radiw, o aledetay a kakaenen no nalitengan ko aca, ka maolah kako to kaalawaw no niyaro’, mapawacay ira kako a mihafhaf to masafaedatay a hemek, cowa ko mama’aca no payso a soelinay a lipahak koraan.

豐年祭是阿美族重要的祭典，離鄉的遊子都會放下工作參與盛會。為期三天的活動，第二天才是重頭戲。一大早擴音器播放原住民的歌曲，頭目會催促大家到會場集合。外婆幫我們換上了服裝後，我們便興奮地前往會場，會場上的男女老幼都穿著傳統服裝，顏色光鮮亮麗，真是漂亮極了。

 

開場是迎賓舞，大家手牽手，由一人領唱其餘的人跟唱，配合著腳步圍成一圈又一圈，不會唱跳的我幾個節拍後就跟上了節奏，和大家一起，其樂融融。

中午，大家就在會場用餐，水煮豬肉、生鹹豬肉、三蘇菜、小辣椒搭配糯米飯是傳統的美食。為慶祝三天活動順利完成，年輕人最後還會去河邊抓魚給部落長者們吃，才算圓滿結束。媽媽說阿美族是有年齡階級制度的，所有傳統祭祀、活動形式，都是經過部落耆老認可，再交由年輕人執行。我對豐年祭簡單的認知，就是歌舞歡唱從不間斷、傳統美食上好佳餚，我喜歡部落的熱鬧，它讓我無拘無束感受熱情，那是金錢買不到的，真正的快樂。