朗聲四起

izua za rupipadrangan a vatu, na puluqem sana djemuak tua na sasanguaq a pusesetiseti a cuqelalj, na maleva sa tanpaci a cuqelalj a muri pasu tjumaq sa uri igaljuin anga a keman.

ka uri cemalivat ta cakar tazua, ini a mapukinemnem, pacunan a vatu ipatekuteku tua cakar, na temanpac tua na pusetiseti a cuqelalj a tja kudral tua nimadju.imaya mapumaramiljan a varung aumayan, masa  tjakudral a cuqeljalj nimadj aya kinemenem. nu maqati sa u qavan, tjara masuqazimanan(masupaulan) anga u angalj nu sauni aya.

imaya penaqulidan angata a nimadju a ina saqemamuwan, manu miremaljimaljiyan a mudingan, tu muri remekutj tazua vatu, ulja silupas azua cuqelalj aya varung, manu inia na pasusu tua kininemneman nimadju, pacual a miremekutjan a mudingan nazua vatu turi ipaqecev auta, azua a rupipadrangadrangan a vatu, samalji sa nakemetu tu inianga pucuk, gemuregur anga pi gemureger.

ka mangalj azua rupipadrangadrangan a vatu, “ putung! ” aya azua tinanpac a pusetiseti a cuqelalj,caljebuq a matua itjatekuteku ta cakar, sa sepaqabu anga tua zaljum, manu sepurpur anga azua vatu, mitjuljuk ita cakar ivavau, tu inianga pualang tu kemudanga! aya tua azua pinacunan ipatekuteku tua cakar a vatu, sinan tjuzuma a vatu. mana sipatulutulu tjanuitjen tu nakuya a maramilj aya patarevan imaza.

一隻野狗撿到一根美味的肉骨頭，野狗高興地叼起肉骨頭準備回家好好享受。當牠經過一座陸橋時，無意中發現橋下也有隻狗，嘴巴上叼著一塊看起來比自己更大的肉骨頭，野狗心存貪念，想要搶來吃，於是擠眉弄眼裝出兇惡模樣嚇對方，好讓對方吐出叼著的那一塊肉骨頭，卻未料到對方也相同的動作回應，弄得野狗不知所措，不禁「汪！汪！汪」的狂叫了起來。 

當野狗一張口時，嘴巴上叼著的那塊肉骨頭，很快地「撲通」一聲，掉到橋下的溪流中被沖走，野狗心急的不得了，急忙在橋上又叫又跳，但又無可奈何！誰叫牠如此貪心，竟把水中自己的倒影看成是別的狗。這則故事就是在教導我們不得貪心。