朗聲四起

tunganin pal’u’un han maklang tu qani’anan, nakitnga’in munhan kaku’ masipul, manahip pa is’ang antala kabaqlu tu sinipulan, maca kitnga’in masipul la na taukin nam ma pangka, na min’unikin cam masitoqas han kaku’.

kabaqlu tu sinipulan, cesan ni baqlu tu kucusinsi’, maqa baqlu tu kucusinsi’ a Bunun, madaqvas masambut sadu’an maqanglac unzu’, mataqenan malkacia pantu’, qala heza’ nam ma kepisingan han kucusinsi’, opa kivisi’ malkacia inam sinipulan tu is’ang, kivisi’ sadu inam sinhuzanghuzang han kaku’ tu iqumican, mopata nam ma kabaqlu tu sinipulan.
kitnga’in munkaku’ masipul taukin pangka, namuazing tasa’qamisan han kaku’ isnava’an, nasiking munhan kaucong, pangqa na asa tu minmantuk minqasmav masiplu. Heza’ tu tastuqani’an mal’u isnava’an, tan’a lukla ca sinsi’ tupa tu, maqa luklaca ngan na munhana dangi’an kucusinsi’ ta kilim mi kucusinsi’, Qecul, Tokduz, Lian, Umin, Lumav, Lukus, cikopa ka luklacan ngan na kava munhan kucusinsi’ ta.

matukahan dangi’an kucusinsi’ a, makaming a is’ang mapising, opa na muc’anang pasadaqes si kucusinsi’, ni amin cam qanciap tu ma’aq tu sinkukuza cuna, luklacan cam punhan kucusinsi’ ti, han hilav vi kucusinsi’ tititi’ a is’ang mapising mukumbu. ihan cam hilav tupa tu, kucusinsi’ sumin cam. minahan niap kumbu’ tupa tu, mukumbu’a tun. to’un zaku ka hilav mapising nga mata sadu cia ka, ai! sadu cak matesqang nga daqes sandoqlac ca nipun maqenan sadu zami, tupa tu lungqu’a, maqa is’ang nga tinnac’ak, uka’in na mapising tu iniliskinan munkumbu’.

tinan’a amin ihan acang madadengaz palcicia kucusinsi’ talmidung tu liniqeban. tan’a tu malmananu’ dau pismali’, madau ka sinludaq mali’ a masqung nga masoqbung papasting nga mali’, kalicoqcoq nitu maqtu taqdutan, opa idadaza dauka sinsantohul cia maca maludaq mali. asa amin cak pismali’.

sadu matesqang masaningsing maqenan tu kucusinsi’, tan’a amin sin’encun cia tu qalinga ka, muhimul li ten’an han madadengaz tu qalinga, mukumbu han inak tu is’ang cin inliskinan. minitudip pin’uni’un zaku ka kucusinsi’ inak sisilian tu bunun miqumic. icia epi qenan ni kucusinsi’ tu tamasaz, min’uni inak macial tu iniliskinan.

暑假假期結束了，新學期讓我們興奮的是升國三成為大學長。新校長是原住民，喜歡運動、開玩笑，但是校長平時非常的嚴格，這就是我們新的開始。

開學國三了，開始要努力認真學習，有一次被叫到校長室，到了校長室，不敢進去，因為非常怕校長，進去後校長竟然對我笑了，就直接進去了，我在部落也聽到校長年輕時的事，校長喜歡打排球，而且是重砲手哦！我也是喜歡排球，從那時就把校長當作榜樣啦！這就是校長帶給我微笑的力量！