朗聲四起

tasicuacuayan, izuaza rupipadrangan aravac a kakedriyan, na selangeda tu nu qemuin a vat na qavetjetj sa kesai, a kiparu zalami aqaljemeqeman aya, qau, kavuljan a kina ta tjaljayan na qavetjetj, manu kaqiljiyan na kina sa tevelain a mayatucu, “ masa izua u vat na qavetjetj, sau kavulji ti kacumusu. ”

pasusuan a kayi na kina sa kavulji a vuvuvavayan, manu tjumaljan na vuvuvavayan, “ a titjama tjara izua vat na qavetjetj. ” qau, kavuljan a kama ta vat na qavetjetj, manu maitucu a qivu a kama uta, “ vaiku a kakarim ta sukaka, tjara izua nimadju.”

qau, vaik a mata kaka, sa pasemalau tu sinau timadju na kama a kemavulj ta vat na qavetjetj. manu lemangda a kaka, na saljivalau a mudingan sa qivu a mayatucu, “ neka nu namaitazua nemanga, vaiku a kemavulj tji ina, tjaraizua nimadju! ”

qau, vaik azua kakedriyan a mata kina a kemavulj. avanazua matjalau anga kina, garangan timadju, “ nu neka ki neka, gunggung! aqu sun a venalid aravac a mangetjez a kemavulj tazua namaitazua nemanga? ”

kinirivuan a maitazua azua kakedriyan, masitjalavan a qivu, “ bulai numaitazua!kemasitucu qumaya nima nemanemanga, ku cakaven! ” aya masitjalavan, iniyacuai malap ta siqunu sa cekceki a qudjudju nimadju, manu, aza narupipadrangan a kakedriyan masan drail i sauniuni. mavan nu sika, aicu a drail tjaljatjenglayan a cemakau sa kani a nemanemanga na caucau, avanazua kinasizuanan nua aicu a tjaucikel.

從前，有一個非常頑皮的孩子。由於這孩子聽說只要把南瓜子搗碎煮一煮，便會甜如砂糖，於是，他便向母親及家人索取南瓜的種子，但總被拒絕。 

之後被母親怒罵而造成心中氣憤難平地說：「好！以後不管是誰的東西，我都要偷！」生氣之餘，他抓起了刀子就往自己的屁股刺進去，結果，頑皮的孩子一下就變成了猴子。現在的猴子可以說最喜歡偷吃人的東西，據說就是由此而來的。