朗聲四起

iku taradrolinga, ugia kɨkɨ svagé mwa ledreke pikisyana sdepe si madro ku uvali tkapara na saplangne.

iké na pké kiokai sikimya na saplangne si lakmani ku kyokai boksi sdepe, sikimidra ka uthɨné na sanbika, usipi na sésioyia. iké na pké tkankana sikimya ku saplangne, liké na ico ku sidepenia kné saplangne iké masikiwlulane ku matumanedra, iku ikaingadria duru mavuvane. iké na druma na zuku takpara ku sarkiké ku yene na saplangne tumé na Amé zuku. Paiwang zuku iké ngurubwa ku mangulaneni ipatumai na saplangne.

iku ckɨlɨ na marudrɨnge ka masobka, “ckɨlɨta na ikédra saplangne, amani ku tradradronga na depeta ngurubwa ka skabranema. kname ka Teldreka spalenganedra ckɨlɨ, ipatumai tili Budai Druki zuku iké épodru sikimia. ku yenela na splangne makturu kname sesa na viene. ku télésovlane ka uculu na bɨkɨ gia ɨmɨcɨdria ku mabkabkanedra spaburolo mwadria tlébéyane. si ina misyenenga likédria télébéyane obailane. tukuzinbimia ku nusakaradra misyenenga na spalenganedra. spakturlunga ka amani tékadra milrikucu na vyene. zinbimya ku nukanadra na splenganedra. ku keneta yene ka margi. thɨrobu ku thérobutaya. ku saplangne thɨrobu ku thérobutaya, ku saplangne thɨbare si buroburo mdradrɨngélé unglu bɨva mbabréthé na lriwluya.”

iku yenela na saplangne si knénga ka ipatumainga. ina Teldreka ku yene ka tédra na olebaca na bungka. ubicilrigimadɨ na marudrɨnge ku spasobkéni yene ka iku usilri sovlé obadria ku asilradra mwa ku tékadra spalengane madane. knénga na saplangne iku télésovlane ka amwa dresɨngedria ku télabéyane. si lasarké slablabca lobcadria ku asiradra abéya. madane tékadra spalengane.

ptapdrɨngenga pakdrɨdrɨmɨ, Takau Teldreka si iké atulru na ckɨckɨlɨ makasi kname ka Teldreka ckɨlɨ, ipatumai na Thkodava si Sépunugu na spalenganeni yakmanmani kné bikéname masikiwlane kivai ku bungkanema ka isukura matumé.

長大以後，離開部落到都市工作，參加了很多婚禮。有的是在教會、飯店、餐廳舉辦婚禮，有的是參加其他族群的傳統婚禮。茂林部落辦婚禮，不會舉行盪鞦韆儀式。傳統婚禮會舉行三天。第一天會殺豬，帶好談妥的聘禮到女方家。第二天在女方家休息，第三天要準備婚禮食物、傳統美食，也要跳傳統舞、喝同心酒、交換定情物。

茂林部落以前沒有抬轎文化，以前是新郎背新娘進會場，現在迎娶新娘時，族人會用轎子抬新娘進會場。