朗聲四起

ta sicuayan izua ti satjukutjuku, namapu tua dripupun atua aluvetjuljatan, sa vaik a sema tjatjan.

qau sidjilai i tjatjan azua inapuan, sa cemuvuq azua djilai tua saviki, qau meqaca sa venangalj azua saviki, qau isavikiyin ni satjukutjuku tu apuin, azua ti satjukutjuku vaik a kivala a semazua itjua tapau nua mara qali, manu pacunan ini a pinarimasudj a tapau.

qau malap tua suapan sa suapen ni satjukudjuku, makaparimasutj ti satjukutjuku, tjemangtjang ta saviki, maka tjangtjang anga ta saviki, vaik a cemikel tua tjumaq nimadju, manu patje mangtjez a mare qali, pacunan a tapaw qivu a mayatucu:” ljaqa, tima nasemuap tua tja tapau? tja manguaq a tja raungen aya ”.

qau raungen nua mare qali, manu mangtjez azua ti satjukutjuku, qau puvaljavan anga nua mare qali, aya a tjaucikel, saka mavan nu sika izua nua saviki.

ka sicuayan neka nu saviki, qumalji nu izua, kedri aravac. aicu a saviki tja sinan pazangal aravac a masicuai, pitua tja kakudanan, nu palisi、 nu puvaljau, nu maqepuqepu、 nu kivala、 nu ljemagai tua tja sikataqaljan tua tja qaljaqalja, avan nu saviki a tja sisangas a si padjadjaludjalu tua caucau tua tja qaljaqlja. na makuda a tja sinan pazangalan tua saviki nuaya itjen, nu matjalima a qapuluan, cengeng anga nua nasi na caucau, tua na penazangal a saviki, qeceven a nasi, mamau ta nasi a na seman pazangalan, aya tjemaucekel na ramaljemaljeng.

ljawa, tucu anga, ini anga na kipasusu tua sicuwayan a tjakakudanan, pitua si pacunan a si kapuan nua tja ivilivililj, sinan kakanen anga tu sika paunung anga a kinacavacavan, ulja tja iyumaljaw a tja si kakudan a tja si apuan, sana maqati a sikiljivak a kinacavacavan nua tja sikataqaljan, mavan na tja lja pazangalan anga tucu.

以前，有位叫撒裘古的女孩，她口裡總嚼著檳榔前往水源地，並吐汁在那裡，吐汁會長出檳榔芽然後開花。有天去朋友家時見屋內髒亂拿起掃把清掃後回家，朋友回來驚喜說：「哇！是誰將我們的家整理乾淨？於是就娶她為妻！」這是檳榔的由來。

早期，老人家說檳榔極為重要猶如生命珍貴。族人在祭儀、婚禮等會以檳榔為禮品，如今文化習慣改變；檳榔成為經濟作物且為解饞嚼物，卻成為危害身體的食品，族人們應注意節制方能保有健康身體。