朗聲四起

katukuh sa i dadebuan nu Ku-tin katahekalan, idaw ku tulu, sepat a tademaw militemuh i tamiyan. misiwkay ku heni tu sapihaymawen tu kawaw, sakay tamiyan muculil miasip. micumud kami i pabawbian, katuu’d ku adiwawa i sasa nu kilang mababalakas. eneng sa kami i sasa nu kilang mitengil tu mikaysiyakuay nu tademaw. haymaw sa micumud i niyadu’an, idaw ku micumuday tu mahidaay u Yubin a luma’an, pasayda i labu ku melaw aku idaw ku mutidengay tu nu tademaw i nuayawan nu takal. u Yubin hakiya u padekuwan hakiya? saan kaku, palita han nu maku kya i tepiingan a micudaday, kya matineng kaku u padekuan kuyda. painging sa kami tu cilal muculil, maadih ku masilacay nu pacakayay tu sumamaday nu uwayayan a elun, pakaysingan. saan inamasacipaay na u cilis nu sapananum tu umah sa, ya masapucuay na u dadan nu silamalay yu mahida sa. 

muculil kami tu nadadanan nu silamalay, bengiw saca ku sanek nu angtulay a tawhu, mangalay tu aca ku bili niyam, micapi’tu kalahukan, maydih kaku milihida tu katuuday misilsil micakay tu angtulay a tawhuan. na miadih henay kita tu sumamaday nu luma’an sa, kawili u sikusya nu Tay-ta sasaydan, kawanan u zaysang nu gingku. 

i sasa kami nu kilang misasapi’, hamaw sa muculil alaw makatukuh tu nika lingatuan niyam, idaw ku nikihulan tu sulit i taylu, kanawulan ku imi, padengen nu maaku i balucu’. taydan niyam muculil i pikanan, waw ! ka sapi’ ! masasakamu kami atu saydan, sakamu sa cinida “ anusawni mabecul kamu, picumud miadih.” i labu u nu Dipun namin ku sanga’, sitatami, nanuwawa henay kaku kuyda a dadatengan, mahini ku nipisilac nu luma’ ni baki aku, namabi’ tu kaku tu tatami, niculilan niyam ayda, makasimsim kaku tu naayaway a kawaw, mahida u namakaydaay tu kaku.

 

 

從古亭站開始進行走讀。首先走進南菜園大樹下聽解說後，再走進社區三叉路口是以前的水渠而隆起的地方是鐵道。走在曾是鐵道的路上，也有走在刻著字的磁磚上，接近中午時分，走進餐廳用餐，用餐後走進日式建築、榻榻米的地方，那是小時候的回憶，外公的家也是這樣的擺飾，我也曾經睡過榻榻米，走讀讓我想起過去的時光，讓我有種不虛此行的感覺。