朗聲四起
cami qa Mnibu qani ga khmay qa glgan myan, halan cami na mlibu na Nipun qani laga mqqasux cami qa Tayal la qa Mnibu qani. mqsux cikay ga nyan mimax na qalng Pyanan, ro mwah laga qalang myan Skikun cqani la ro mwah qalang Lmwan ,qalang Banun, qalang Sengan, mwah qalang Bonbong, wa mqqasux kya mnibu qani, mica qa qutux llyung myan sun Mnibu qa lalu nya.
qalang Skikun qani ga maki kya bawiq calay na rgyax. glux na llyung Mnibu. yow na Mnibu qani cwo sun maha Mnibu qalang myan hani, cyunga ga kmayal qabax bnhici maha. knyupan cami na Iipun qani ga mnibu cami na Nipun ro tllwan maha llyung mnibu , san maha ke Tayal.
cyunga ini uwah mlahang Taywan na Ipun ga, Tayax son lalu na qalang qani. hmcwa cwa son maha Tayax? ke Tayal son maha tayax hiya ga blaq r’ anan qutux qa cinqrxan qani ro skahul kya mra ga ktalan qabax llyung Mnibu ru rrgax.
qalang Skikun qani ga, cyan maki syax na llyung Mnibu ro ksobeh ryaniq na toruy. qnxan na qutux qalang qani ga, ini pisang cyunga mqenut. mwani lga, blaq hayi qnxan naha la. baha hmcwa, nyan si giwan muya rramat tbesun naha. qani giwan nyan naha sranga qutux muyax naha.
ana nya blaq hayi qa qnxan naha ga, ini kux uyi. qniyat calay qabax cquliq kya qutux qalang qani. baha hmcwa, ini naha kngi snbilan ke na bnheci ta cyunga maha, nanu si ga mqniyat ta mtiyaw ga, mica ga musa ta mblaq mqyanux maha. ana moya mqumah ga, si kat prahung mtiyaw ro mica qa baqun naha manga qutux muyax naha la.
我們溪頭群我們的親屬眾多，被日本人圍剿的時候，有一部分分散混居在南山部落，再來是分散在我們四季部落這兒，有部分來到茂安部落，有的到碼崙部落、牛鬥部落、英士部落，溪頭全泰雅人已分散，所以我們形成一個流域叫做溪頭群泰雅人
四季部落位於高海拔的山區，屬溪頭群，我們的部落為甚麼是溪頭群，從前所有的長輩說：我們被日本統治時期，他們圍剿我們所以命名為溪頭群的泰雅人。
四季部落的族語地名為「Tayax」，意指高處台地，站在此處，可以遙望蘭陽溪及層層山巒美景。
日本時代，連日本人也不禁讚嘆四季部落的美景及氣候，用日語skikun較能表達這樣的景象，從此部落的地名就由「Tayax」變成了「Skikun」。
現在部落的生計不致匱乏，卻從未忘記祖先的訓示，要不斷努力工作，改善生活。