朗聲四起

kamakakincengelj aken kaniciu, izua aken a pakasarungua’ngua’ a kivangavangavang tua ku tingnaw. manu izua za ita a salapeljan miperper a mata ku mudingan, kamigagua aken miperper a vaik timadju.

inikacuay izuaza ita a salapeljan, i tjai’ayaw tjanuaken a pacacikecikel a miperperper. manuseceker a itua ku djapalj, ku papiculen a djemukul ljakua inika namapadria miperper a vaik timadju. manumangtjez uta timadju sa seceker uta a itua ku djapalj, ku sizangal a djemukul, manumacay azua salapeljan a itua ku kaviya’an, sa djamudjamu’an anga a ku djapalj katua ku lima.

ka uri ta’ed aken ka’ezemezemetj, selangeda aken tuazua ljingaw nasalapeljan a “ung ung ung ayaya a pasatjanuanuaken, sa kacen aken a pi’imi, ku sipapicul a djemukul a pasatua ku ’imi, inikana mapadriya ’adaw kipasainu anga, nademudududu aravac. manuka uri sekata’edanga aken mangtjez anga uta sa kacen aken a pi’imi sa vaik, nuikanavalj anga i kaviri anga a matu kipudjaudjaulj tjanuaken. galemgem aken, ku luteluten a ku siyuc a kivalj tu ki’eciyan tjaicu a salapeljan.

inikacuay mangetjez a salapeljan sa seceker tazua i tjai’ayaw tjanuaken a kupu, ku cidingen a ku lima sa benasi’itj a pasazua, inikanamakadjame’ maviladj isauniuni a salapeljan, mapadriya a kupu sa secaca’ a pinikupu a zaljum, galemegen aken aki’azalj tjaicua salapeljan, hen! tjara ku su djame’en ayaken. ku pudingkiyan sa patagilj a karim tuki izainuan azua salapeljan. manupacun aken tazua drusa a salapeljan a naseceker itua djeljep, kipagalju aken a ljiadjed sa ku djemukul a pasazua “piak’’aya, sa’etju aravac a ku lima tua ku djinukulan, manu macay anga azua nademudududu a salapeljan.

kicauv aken a mita’edan, sagemucugucuguc ta ku ’imia sa nakipadjele a takaljava tazua salapeljan, manu inikacuay ha! ha! ha! ku ri’iljen, izua za ita salapeljan a mangetjengetjez, izua nuljiadet izua nuljaicada neka nurekutjan matu kipudjaudjaulj tjanuaken. izua anan aken a ki’adi’adilj kacuay anga kaljiadet ta ku ngere’ ku djukulen a pasazua manumacay anga azua namica’ica’iyan a salapeljan.

星期天吃完午飯，心想可以玩電腦了。當我玩得痛快時，一隻蚊子飛到我的臉上，我動了一下就飛走了。

蚊子在眼前飛來飛去，停在腿上，我用力的打，沒有打中。它又飛過來，停在我的腿上，我用力的打下去，那蚊子就死了，我的腿和手掌沾滿了血跡。

晚上準備睡覺時，蚊子「嗡嗡嗡」的飛過來，叮我的臉頰，我用力的打「啪」一聲，蚊子飛走了。

當我進入夢鄉時，狡猾的蚊子又飛過來，在我的臉上叮了一下，然後在我眼前一下右一下左的飛，似乎是在跟我挑釁。哼！你這該死的蚊子，我捲起袖子準備大戰。

不出我所料，蚊子飛來了，停在水杯上，我奮力的打，蚊子跑了，杯子倒了，茶水灑滿桌子，哼！我一定要好好地修理這隻蚊子。於是我把燈打開，向四周看，兩隻蚊子停在牆壁上，我悄悄地走向蚊子，「啪」的一聲被我打死。

我蓋上被子假裝睡覺，手一面抓癢一面預備。一隻蚊子，忽遠忽近的朝向我，我先忍耐著，飛近我時，我便迅速的伸出魔掌，使勁的打過去，可惡又驕傲的蚊子，終於死在我的「魔掌功」。