朗聲四起

Muda smalu kmalu balay ddaan ka kndusan mu diyax sngayan u kiya ka “Muru nanaq kndadax lnglungan mu.” Kiya qnita ku nanaq ka saw diyax sngayan nii u mtna balay kingal“ ini slayi ana manu ooda.” Quri kingal iyax sngayan nii, maku balay chdil ka pyasan mniq sapah pyasan, iyux ku balay psshngak u uka bbalay ddiyax, kiya sntangan mu kmuda ku manu u kiya“Muru nanaq kndahdax lnglungan mu.” muda ana manu ooda!

Ya hmuya pa? Diyax saya qmita ku ana manu awu mu bay qtaan kana. Enduwa ini ku biyaw mtutuy ka kddiyax, saw saya daw wada ku mscuqi hari mtutuy da, lnglung ku nanaq ka yaku, ma taway bay kmalu kndusan ka saw nii da wah? Dhuq balay diyax sngayan, kuxul mu balay ka tuhuy tnsapah mu musa mkksa rmiwaw tapa ddeynsiya nganguc, adaw tapa ku ddeynsiya u clokah balay mi malu bay ka kuxul mu.

Uxay uri u taapa ddeynsiya ciida tduwa qmita kkluwan hhana, ssudu, qqhuni ddwiyaq mi yyayung klelu, saw nii ou balay qqtaan u qrasun balay mi knmalu balay ka lnglungan! Duma uri u mtuhuy ku tnsapah mu musa nami pskbiyax hiyi undonba sapah pyasan uri, saw ka cmbu boru, tmalang mi tmapaq qsiya dnii…, saw yaku u lmlu hiyi ka kuxul mu balay, adaw malu balay ka mtmring hiyi. Kiya pqluyun na kana ka naqah mring doku, saw nii lnglung u kiya clokah mi taway kmalu balay hiyi ka soni da wah!

Saw saya, Ita dsediq ou balay kluwan ka quri ddaan ta kndusan diyax sngayan, ana nanaq tweinu ka ddaan ta diyax sngayan, pusu na balay u tduwa pkmalu hiyi mi pskbiyax hiyi, uxay uri u tduwa pkrana knkla ta, kiya ka sun muda umaaw kmalu balay diyax sngayan ka nii da.

假日對我而言，是一種「自由自在」，是想做什麼就做的「隨性」狀態！假日，我喜歡和家人騎著「鐵馬」到戶外，欣賞風景、花、草、山和河流！偶爾和家人到學校運動，打籃球、跑跑步、游泳，動態的活動可以大量流汗、排毒！

人們的休閒活動各式各樣，也越來越多的人重視休閒活動，不管是哪一種休閒活動，只要是有益身心健康，或是可以增長知識的活動，就是最佳選擇。