朗聲四起

Naira ku cacayay a vavahiyan, nanu lutungay ku kasiadada nira tu “Nawsin mapiceng” (腦性痲痺症). Sisa, caay pakasapinang ku ngiha nira. Kanahatu utiih nu tireng, paytem sa cira a misakilemel a micudad i Amilika, maala nira ku nu Yisu a hakasi. likul satu, talacuwacuwa cira a pelu tu nikaurip nira tu sapipadang tu siutiihay a tamdawan.

I cacay a remiad, naira ku mitakusay a cacudadan i ciraan, mangalay a patengil tu micudaday a pasuvana’ nu nikauripan. Nika, caay kasapinang ku nipangiha nira, u kamay ku sapatadu tu nguyus nira. Herek saan a papelu cira, simipalitaay i ciraan, “Nanu wawa hen kisu, utiih ku tireng isu, mamaan saw ku mimelaw isu i tisuwan? Namiedis haw kisu?” Sulikul satu kira papeluway, sadakadakay sa cira a misurit i heipan, surit satu “Maanen saw nu maku a mimelaw i takuwan.”

Nguhit sa cira a misulikul a mimelaw tu alumanay, mitiku aca a misulikul a misurit, 1. Sakaulahan saan kaku. 2. Salu:ngan ku taraya’ nu kuku’. 3. Kaulahen nu ama atu ina kaku. 4. Kaulahen nu Pauripay kaku. 5. Mavana’ kaku a mikulit! Mavana’ aca a misatapas tu cudad. 6. Sika’ulahen a nani. 

Herek sa a misurit, awaay ku tekiteki’, awaay ku semuwalay. Misulikul cira a misuayaw tu alumanay, salikulay misurit aca cira i heipan, “Iraan a cacay ku melawen nu maku tu iraay:tu i tireng, caay pimelaw kaku tu awaayay i tireng.” 

Na saan, awaay ku tekiteki’ nu alumanay, sitahelusaay a mahemek tu paivalucu’an nira, tu nikakilemel a misuayaw tu lavades nu urip nira.

Ina mavuhatay ku valucu’, siadadaay tu “Nawsin mapiceng” a Yisu hakasi, u namicudaday i Nanciyata nu Amilika. Nakinapinapi:na tu a pamelaw tu nikulitan nira i Taywan. -- cima hani cira? ci Huang Mei Lian hakasi.

黃美廉博士是位腦性痲痺患者，無法言語，卻憑毅力與信仰在美國取得藝術博士，並以筆代口四處分享激勵人心的故事。一次演講後，有學生問她：「妳從小就這樣，怎麼看自己？不怨恨嗎？」她在黑板上寫下：「我怎麼看自己」後，列出數點：我好可愛、腿很美、爸媽愛我、上帝愛我、我會畫畫、寫稿，還有可愛的貓。最後她寫下：「我只看我所有的，不看我所沒有的。」全場感動落淚，掌聲如雷。她是誰?她就是美國南加州大學的黃美廉博士。