izua tjaucikel a sicuayan a pakatua ngangay katua tjugeluy, aicu a milimilingan masan liyaliyaw a sitjaucikelan. tucu, a uri ku sitjaucikel imaza tjanuitjen, mavan a ku linangedan a sangasangasan.

izua za macidilj a kina, vaik a makavuavuan a kivurasi, sa na kemacu ta aljak a madrusa a vavayavayan, azua marekaka a tjavulung na semevalj ta kaka a tjaljaljak, sa masa maculjanga azua sinevalj a kaka sa qaung, qivu ta kina azua tjavulung a aljak, “ina! ina! maculjanga ku kaka, patutui” ayain a kina, tevelain na kina, “mayanan! kivurasi anan a ken” ayain, sevaljen a kaka sa kaljavaljava ta kina, manu kamayan a qemauqaung a kaka, sa kiqaung ta kina a kaka a tjavulung tu“patutui anan a ku kaka, maculjanga ravac”aya,“mayanan! kemesanan a ken” aya kina, manu ka makakesa a kina, kacuin a kinsa vurasi a sema vavaw ta kalucukuc sa kan timadju a macidilj.

maculja ku kaka patutui nu ayain nua tjavulung a aljak, vuljuqan tua sinungicu ta vurasi a aljak a pasa teku, ljuljuin na kaka a tjavulung sa kisekisi ta kaljusekusan a ngicu sa pakanan ta kaka a tjaljaljak, anema sikavetu tangicu, kamayan anan a qemauqaung a kaka a tjaljaljak.

sa maljavar anga marekaka tu “masa masengac a tja kina tjanuitjen, bulay a kisan qayaqayam itjen, nisunay a tjalikuvalj, niaken anga sialja tu tja sanpalaljen a paru qayaqayam tu tja si inlayap” aya tjavulung a kaka. ecevungi anga nu icavilj aya, sa patjatjuvaik anga minlayap tiamadju.

ka miseleman anga, ini anan a pacun a kama ta aljak a madrusa,“ainu anga tja aljak” aya kama, “kivangavangavang i djalan” aya kina, vaiken a karim na kama, manu ini a djumak anga kama tua aljak.

pai ka madjaljun ta cavilj tua kinaljavaran tu siucevungan niamadju itua kina vatayan niamadju a zikang itua masulesulem, avan nusika nu igalju itjennumasulesulem, tja langedan a ngangay! tjugeluy! ngangay! tjugeluy! ayaya.

avan anga aicu a tjaucikel nu i kavuavuan itjen, nu masulesulem, tja langedan a zaing na qayaqayam a namaya tucu, na temaljiti angata.

ngangay和tjugeluy的傳說，版本很多。

有位母親帶著一對女兒到地瓜園挖地瓜，姊姊揹著襁褓之年的妹妹，走到田裡，妹妹就開始哭。姊姊呼喚媽媽：「妹妹餓了，給她餵奶」。媽媽說：「等我一下，我先挖地瓜」。姊姊哼著歌哄著妹妹，妹妹越哭越大聲。姊姊再次呼喚媽媽：「妹妹真的很餓，請先餵奶」。媽媽說：「等我一下，我先煮地瓜」。可是媽媽卻把煮熟的地瓜，帶到瞭望台上獨享。

「妹妹真的很餓，請先餵奶」，姊姊請求媽媽，媽媽把吃完的地瓜皮往下丟，姊姊把細軟的部分刮給妹妹吃，較粗糙的留著自己吃。這樣吃沒有飽足感，妹妹還是哭，姊姊又呼喊：「給妹妹餵奶！」媽媽依舊回：「等一下！我先將地瓜放到田邊」，媽媽直接回家，沒再回來。

天黑了，爸爸問：「怎麼沒有看到小孩？」媽媽說：「在路上玩」。爸爸沿路都找不到。

直到現在，天黑就會在山上聽到ngangay和tjugeluy一搭一唱的叫。