a sinipatjanema itua Siisiu tua patjara parekiljivaljivak nua caucau, a kakiljivakan masantjelulj, mavan a parekiljivak nua uqaljai katua vavayan, a kiljivak nua matjaljaljak tua marka aljak, katazua kaqulidan a kiljivak.
aicu a patjara kaqulidan a kiljivak nu aya, mavan a inika pu sasusuan a kiljivak. paravac anga azua kiljivak tua marka nasemalimsim a caucau, nu tja sikipavala tua tja varung, sa tja paraljuvi tua tja sikudan azua navalisaked a tja varung, a kiljivak a penaula tjaiyamadju a paru titjen a kimadju.
izua za a namayatucu a tjaucikel.
izua za vuluvulung a puanema, uri peniliq timadju tu macidilj a kemasi tua matjelu a namapaparangez a saskauljan, tu masan temavelak tua kinitjuayan nimadju. pai djauljen nimadju aicu a matjelu, sa qaruqaruti tiamadju a papamamaw tua paisu, sa pazazekatji tiamadju tu tjarakinemnemnem tuki uri kuda-i saka makaya a pasusangas tua masulem sa vaik a venli tua nema, sa pasepeljuqi azua tjaljiqacaqaca a vinangvangan a umaq.
azua timadju a sangasangasan cuai aravac a kinemnemnemn, sana vaivaik a venli tua damiang, ljakua ayatua inika makudakuda azua paisu, pai patje papamaw sakamaya tazua vinangvangan a umaq azua vinli a damiang.
azua sikamasanmusalj navenli tazua tjamadjulu anan a kakavelian a ciabui, ljakua napacalivat a pagalju tu papamaw tazua vinangvangan a umaq.
azua vuluvulung a puanema ka pacun tua vinli nazua sikamasatjelulj, inika amin sakamaya a pinasepeljuqan tua vinangvangan a umaq, qau rusalimsiman saka rukiljivakan uta timadju, pai pasusuan a sinikieces nimadju sa piliqi timadju tu masan sevalit tua kinitjuayan nimadju.
maru mavan anga a sinipapuvarung tusa tjaucikel, nu kiljivaljivak itjen tua zuma, namaya tua masipusipusipun itjen, manu mavan a valeten itjen tua seljecan nua tja varung, aicu mana kaqulidan a kakavelian nua kiljivak.
nu izua kiljivak i kacauan, a nasi nua caucau mana mapacun a kinanguaq.
談到愛，把愛分成三個形態，男女的愛情、家人的親情，以及真正的愛。
真正的愛，就是沒有條件的愛。特別是對那些弱勢的人，能夠將心比心，把心中的關懷化為實際的行動，去疼惜他們。
有個老富翁想從三個優秀的手下，選擇一個人來繼承他的事業。他叫來了這三個人，分別給他們相同的一筆錢，要求他們想辦法在天黑之前去買一些東西，盡量把一個大房間裝滿。
第一個人考慮了老半天，跑去買一大堆稻草，只勉強將房間裝了一半。
第二個人買了更便宜的野草，也不過比一半又多一點。
老富翁看見第三個人所買來的東西，不但裝滿了整個屋子，又有憐憫的愛心，就照著約定，選他為事業的繼承人。
付出的愛的時候，看來很像是一種虧損，但是卻帶來溫暖的回餽，這是愛真正的價值。
人間有愛，人的生命才看見美麗。