朗聲四起

a patjara kiljivak i kacauan izua a masantjelulj a sinipatjanema itua Sisiu, azua masantjelulj mavan a parekiljivak nua uqaljai katua vavayan, a parekiljivak nua cemkemkelj, katazua kiljivak a neka nu papiliqan tua caucau.

aicu kiljivak a neka nu papiliqan , mavan siayaya itua Sisiu a “kaqulidan a kiljivak” a inika pu sasusuan a kiljivak. paravac anga azua kiljivak tua marka nasemalimsim a caucau, namasa kipavala sa paraljuvi tua sikudan a kivalisaked, a kiljivak, a penaula a paru timadju.

izua za a namayatucu a tjaucikel.

izua za vuluvulung a puanema, uri peniliq timadju tu macidilj a kemasi tua matjelu a namapaparangez a saskauljan, tu masan temavelak tua kinitjuayan nimadju. pai djauljen nimadju azua a matjelu, sa qaruqaruti tiamadju a papamamaw tua paisu, sa pazazekatji tu tjarakipuvaruvarung tiamadju, tuki uri kuda-i saka makaya a siveli tu anema, sa pasepeljuqi azua tavangvangan a tjaljiqaca aravac a umaq a pasusangas tua masulem.

azua timadju a sangasangasan cuai aravac a kinemnemnemn, sana penepenetj tu venli tua damiang, ljakua azua paisu inika cengceng a siveli, azua damiang inika napapamaw tazua umaq.

azua timadju a sikamasanmusalj navenli tazua madjeledjele a kakavelian a ciabui, ljakua napacalivat sakamaya tu papamaw tazua umaq.

azua timadju a sikamasatjelulj mavan anga a vilivililjan a kicepeliw, uzi mangtjez timadju a namalinayanai. pasemalaw timadju tu nasecevung i djalan tazua pinacayan nua matjaljaljak a kakedrian a temakatakai tua lusuku, kirimu timadju a salimsim tazua kedrikedri, pai sa pavayan tjaimadju azua paisu, sa velian tazua marka lusuku. manu ka pacaingan nimadju azua lusuku, mapeljuq azua umaq tua teljar nua lusuku.

azua vuluvulung a puanema ka pacun tua vinli nazua timadju a sikamasatjelulj, inika amin sakamaya a pinasusuan tua pinljuqan tua umaq, namasa pacaun tjaimadju a rusalimsiman saka rukiljivakan, pai pasusuan a sinikieces nimadju tu mavan a piliqen tu sevalit tua kinitjuayan nimadju.

maru mavan anga a sinipapuvarung tusa tjaucikel, nu kiljivaljivak itjen tua zuma, namaya tua masipusipusipun itjen, a paqulid, mavan a seljecan nua tja varung a sinivalet tjanuitjen, aicu mana kaqulidan a kakavelian nua kiljivak. nu izua kiljivak i kacauan, a nasi nua caucau mana mapacun a kinanguaq.

聖經把愛分成男女的愛情、家人的親情，以及真正的愛三個樣態。真正的愛，就是沒有條件的愛，特別是對那些弱勢的人。

有個老富翁給三個手下相同的錢，要求天黑前去買能裝滿一個房間的東西。第一個買稻草勉強裝一半，第二個買野草只過一半，第三個人遇到賣蠟燭的孤兒，錢都給了他，只拿回幾支蠟燭，但點燃後，燭光滿屋。第三人具有憐憫和愛心，燭光確實充滿整個屋子，就選他為事業的繼承人，付出的愛時，看似虧損，卻帶來溫暖的回餽。