朗聲四起
dalum-- pinatarevan. azua pinaka dalum nimitja kai a payuan, lualap ta sacemel a patarevan.
dalum nuaya sini pa’ulidan a pupacugan, inia manu kisan ‘emaljup. mavan nu kipulaing ta ’ucalj atua kadjunangan. maca’u a kilangeda ta na kadjunangan katua na ’ucalj a kakaiyan.
dalum mavan nu ca’uan,picul,saljemedj, rinureru a pina tjarangadan. nekanu ’iljian ata ramiljan, tjalja kemeljangan tua pa’aljay, pasekuletj, atua pasangauv a cawcau.
cemuljev, kikeljang, rakac ata miljenger, kentalj mavan nua na dalum a kinakemudan. azua mipuljuan katua sapuljuan nua dalum a tjalangadan atua picul a pinaka sizuan.
nu uri kitulu tu masan dalum, puljaui a kitulu ta temezeng a kikaljava. avan nu siaya aza kiratam tua maka ’ucalj a pacugan, djemaladjalan kituluan tua kakudan na dalum. tatuluan a patagilj ta ’emaljup.
kasicuayan nu ’emaljup savid a ta ’inaljanaljan. a tja vuvuanga, nu ita cavelj kimaya putjelu a seman palisian nu ’emaljup. pinaka mavesuang aya. azua kicapilj a mapuljat u’aljai i ’inaljan. si pudjalan nua parakaljay vaik a ljealje a ’emaljup. azua pinetj a putjelu a ’emaljup, nu pasuvililj tua kalja tjugutan, pitjaisangas ta masalut, atua maka kiljumay.
nuna malap ta vavui ta venan,avan nu sinikuletj nua ’emati; lja’ua nu palu’ilj,maljia neka tu ita inalap. nu matazua kiricing tu ita sa kacui a ma ’inaljan, sinan paru na malap tua sacemel. nu djemaljun i ’inaljan,uri cegeten anan a pulingauv tu palisi ta ki’eceng ta vavak nua nakuyakuya.
nu kiratam, na kigetjem tua kakituluin atua patjaita a sikalakudan. azua sangasan a kakituluin mavan za pudringai,sana kigalju a temavak,izua pusi kemeljangan ta ’elju’elju kakane nua sacemel. pualang ta ngadan nua kadjunangan, vacik’ nua ’inaljan… avan nu kakituluan nua tjau ’emaljp
dalum－是獵人的意思。獵人本質不是狩獵，而是一個自然與土地的溝通者，能聽得懂土地和自然語言的人。dalum是能力、武力、智慧、豐厚的象徵，沒有自私和利益，最知道崇敬、感恩與分享的人。追蹤、辨認、意志和冷靜、果斷是dalum應有的本能，而孤獨和寂寞是dalum精神和力量的最大來源，等待、追求知識、智慧是成為dalum應修煉的課程。
全神貫注每個動作，由施放陷阱開始培養，辨識獵徑、動物，食用植物、記取土地名字、傳統領域的界線。