朗聲四起

Habasang a Bunun mais mapadangi hai, mapalsanus itumabananaz tastulumah mas nakaunun anis nahuudan, aupa na’ispinaskal mas nasizaan mas maluspingazcia tu kautuszang, maza mastaan tu napal’aizaun hai sias babu siin davus.

Mais mapahusil mas maibabutan hai, saunalumahan, mais papia a isuu tastulumah hai, saunpia’un amin mahusil. mastaan amin mais saus’anan mas simal aat saus’anan mas laas, mintanaan mais saunciunan, sanasia mas babu tu pia a pinataz. kinuzin hai, satatasa mas maituhnaz. Mais kautuszang hai satuhnaz, mais paicilain hai sabalang.

Haitu aiza tasa aunvaiviun, sias masha. maza masha’an hai mansian ciancia tu simal, saicia a itubabu mastaan issimalan. maza masha’an hai isaunvaivi, ishusil sia tainilumahcia tu paicilain.

Mavia a paicilainan tu saunvaiviun mas masusimal tu masha i? Mavia tu nii tu saunvaiviun mas laas anis tuhnaz i?

Amus hangsia ii habasang a bunun hai, pavaian mas silu, aat icinakav mas simal. paha maza simalan hai pahalavhalavun tu kakaunun, aupa mahtu a simalan ka’unian mas silu, namahtu maisinin ispinambuh mas kakaunun.

Ungat, anasintukuabin a sain tu imi i?

Taismitasa: sinkasalpu anis sikadaidaz mas paicilaincia, aupa sizaun mas bunun aat isian mas vaivi tu asang minhumis, ispishaiap tu kadaidazun mas ulumahun aat namasvala a saia idiip, musasu namaduaz minsusuma tantungu mais aiza a itu’ulumahun iskuzakuza.

Taismidusa, ispihuhu mas itupaicilaincia isian isaicia tastulumah tu ngaan. aupa mais ma’adas a paicilainan mas masha kaulumah hai, manaskal amin a tastulumah ii naaiza’in a ispinanambuh mas pandian tu simal, mais maupacia hai, namatumashing a tastulumah mas mavalacia aat mais lakua’in dau a itupinilumahcia a ulumahun aizaan mas is’u’ampuk hai, namaduaz a tastulumahan ma’avun mas saicia kausian ulumahun min’amu. Mais maupacia hai namakanadidiipin a tastumavala’an tu mapakasial, mapaka’akvut, mahtu amin a sain tupau tu: ituBunun isian minmavalatan tu taiklas

Min’uni a kata mas ituBunun tu mailalangna, makua a isuu sinaduan mais pali’uni mas saitaan tu taiklas i ? nii’in aupa samamuah mas simal i?

傳統上，布農族結婚時，男方會負責準備宴席的各項所需。分豬肉時，一家幾口，就分幾塊。肥肉與瘦肉分開，依豬肉的份量決定分配幾輪。骨頭部分，女方家族分得大骨、女方paicilain分得肋骨。腹部上連皮的肥肉，叫masha，只分給女主婚人的paicilain。

古時候，肥肉是珍品。可以榨出香味的油汁，給食物增添美味。如此做？第一個是為了表示對paicilain的愛護，讓他在異地精神上有寄託依靠。再者，也因兩親家建立友好關係，進而使pacilain在夫家的互動關係保持良善。