朗聲四起

kinatalrimayan na wari, sare’edan ku da marepana’uwa ta diya! tivutivus lra ku sare’edan kannu! muruma’ ku lra kanangku kadekalran, alralru ku semangalan di talrimayan, adi ku parangeranger da kuwaani ku kana sadu anger, mareanger ku lra a kadu u diya, mu’iva’ivat u kani i henan, di man kemani mi’edeng u lra kani i henan? lramu kirepauwa kanu anger! aymu sakuduwadu ta su’eraman kanu!

adiyu diya, marayas ta mena’u kanu musarusaruk i makalusu kana kidakiday di pudadalan u i henan, di kemedekedeng u da ’enun, mavangavang u da sasaleman di kare’aniyan da sinaleman, venavaaw u da vuyu, maymay, vulraw, harem lra mu, uniyan lra caucauwa i kani, di kurelrang ku anger marawraw.

ku kiyaangeraw adiyu diya, ulra a saya wari, kana amere’ di na uniyan a saysaya a vitu’en na ka’aremengan, kurevali ta kana calringcing na vali, mitulus ku kanannu ’iray tu sadekuwan, kemakawang ta kana malikalikaw i ’ida’idang, patawatawar ta kemakawang mukuwa kananu rineca’an da pecir…    

muraruma’ ta lra mu, nu papadekay ku kana aludun na rawa, ku semangalan malalup ku kanangku nanayan kanantu kinaracan na lringadalan.

mareanger ku lra, kemani ku kana mivati, maruwa ku miinlrangan da valisen ku diya, kurelrang kannu, mukasa ta kanidu na adi ku karuwa malalup di muteres lra kani ukaukak , pakumau ku kananu ipana’u kaningku danu kinasayhuwan, surimetan,di nanu miirayan da kakuwayanan, mau nanta itaturusan lra!

semangalan! lrayuwan! kemaya ku kananu ipakavulay kanangku inlrangan da tinucauwan.

adi ku lra maranger muvuruk, maranger ku muvilin kani, aymu ta kudayaw, melri nu karuwa pinakalrawa daku kiyakarunan! nu kaidanan lra raruma’ ku diya, kananu ’inumayan, kuy kirungecaw kemawan adiyu diya kana sadeku kani a! lrayuwan ku kannu imu wa!  

期盼的日子，終於重返舊居，原本滿懷雀躍與期待相間的心，為何就這麼瀟灑的安息在山林的懷抱？心痛無比啊！想當年，我們，吹著冷冽的寒風之夜，我跟著祢溫暖的火把，在蜿蜒轉折的山脊，一步步朝著放捕獸器的地點，返程的道路，我揹著笨重的獵物，心中的喜悅已蓋過了被「咬人狗」螫的刺痛感。

我何其有幸，「少年」能和祢走上一段刻骨銘心的一夜， 外公的智慧、勤勞、謙卑的精神，豐富了我的生命！謝謝祢！祢是我們學習的典範啊！