朗聲四起

Nacaay pinuneng yu wawa hen kiyami, sisa, sani maduka tu ku tiretirengan i nipihulul, anu madukatu tanuungal satu a mikilim tu ina. Melaw sa ci ina patudud satu tu piyang a pahinum tu tangic. Suwal saan “Kati! Ini ku piyang, aka tu katemangic!” ala satu tu piyang, u vekac tu nu maku a mihulul aca.

Yu herek sahen ku nipicudad i tarakaway a cacudadan, sawaden nu mamihulul kaku, awaay tu ku lamilamit nu tireng. “Anu ira hen kiya nanuwawaay mihadengay tu duka a piyang, a masupit ku valucu’ aku” saan ku nisimsim nira i valucu’.

Cacay a remiad nu davak, patelay ci ina, mapawan kaku a sitavu, pataynien i kadademakan nu kaku saan. Tangasa kaku i saka 3 a tungruh nu paisingan awaay ci ina i lalavu, i lalavu nira vacal, u pihacengay ku adada amin, simavutekay, simatiwiday nu kamay, nu kuku’. Suwal sa ku cacay a vavahian a wawa,

Katayra i 510 a vacal ci ina, nika, sipacauvay i takuwan, savaw tu tulu hakiya ku mihecaan nira vavahian a wawa, awaay tu ku dadimusa’ nira, suwal saan i takuwam : “ Vakiaw! Napasuwal ci vayi niyam, anu tayni kisu katayra i alili a mikilim saan, dungdung han kira saedivan, i patukuran nu vacal u alili, a mamelaw tu nu misu cira.”

Vuhat han nu maku ku alili maru’ tu ci ina, araw, cekil saca ku valucu’ nu maku. U nipatengan tu ni ina a papimelaw i takuwan tu adadaay. Sulinay tu! U malemeday a tamdaw kaku, awaay ku utiihay nu tireng, caluway sahuyayan aca a talacuwacu:wa a misarakarakat. Hay! Awaay ku caayay kasedal nu kaludemakan i nikaurip nu mita, iraan caayay kasedal a demakan, na u tamda:w ku caayay kasivalucu’ a misedal, iraan mihadengay tu duka a piyangan, caay ka u piyang, u valucu’ nu misu ku mihadengay. 

兒時常受傷，哭著找母親，她總遞來糖果：「吃塊糖就不疼了。」含著糖，我止哭再玩。大學失戀時，心想：「如果還有小時候的療傷糖就好了。」某日清晨，母親來電要我送便當到醫院。我抵達時她不在，病房裡盡是重傷病患。小女孩叫我到510室穿過走廊去倉庫找她，母親靜坐其中。

她刻意讓我看見他人的苦難。那一刻，我懂了：我擁有健康、自由，已是幸運。療傷的糖果不在他人手中，而在我們心裡。真正的療癒，是轉念之間的清明與堅韌。