朗聲四起

Gaya ta sbiyaw niqan ka saw smiyuk, pstuq kari ni mstrung Seejiq.

Nasi snrwaan ka tnsapah uwa siida, kika euda smciyuk, kiya ni pprngaw ka tama ni bubu dha tnsapah. Hntu kana saw nii neuda do saan dha hmkun ruwan sapah snaw ka uwa nii. Ma saw kiya hug? Yaasa ksugun bi dha niqan alang eseisil dsnaw smkuxul qrijil nii, smnaqih dhiya da. Kika asi ka ini biyaw dha mhtu kana ka uuda smciyuk nii.

Sbiyaw o nasi saw smtrung ka rrisaw ni wauwa Seejiq Truku, asi ka tama ni bubu na nanaq ka miying, miying saw mniq alang mkla bi tminun, qmpah, dmayaw ana manu uuda sapah na dqrijil, kiya ni sun dha kmuruy mita kleelug alang, uxuy uri o nasi saw ini mstrung han o, ini tduwa ptmay psskuxul nanaq kiya wah sbiyaw, kisa Gaya ta sbiyaw. Bukuy do mnhtu pprngaw ka dha tnsapah siida, nasi saw malu tnsapah o pprngaw smipaq piya bowyak uxay uri o babuy da sayang, miric, pada dnii…Niqan ka qnbhangan ku Gaya sbiyaw dungan, saw uqun ta siyang bowyak ni babuy tnbugan klmukan, rumun ni nuqih bowyak ni babuy: “Ini bi ptkaran dha pkan laqi buyi msa” Nii ka Gaya ta rudan sbiyaw uri. Nasi ungac hari ka tnsapah o smipaq rudux naq kiya, sun dha mblaiq ni mqrinuc tnsapah.

Kiya ni kmciyuk, pstuq kari dhuq mstrung ka dha sbiyaw o, maxal jiyax mnhtu kana meuda, kiya ni prajing dmurun kari ni mseasug kana uuda, saw pnhlama, mnsinaw, pusa wasil, dangar, durang ni tmsamac ka kana dsnaw alang. Deuwa o mniq sapah psramal dha uuqun mstrung siida, niqan saw gisan, sunguc, sqmu, sari, masu ttakan dha ni spuun dha mkan pskriyan, nii ka balay bi nkan ta rudan sbiyaw.

Kido mhtu kana neuda siida do, mlawa kana saw seejiq alang ni dangi uri, uxay uri o dangi kana saw eseisil alang uri, seupu mkan ni meuyas uyas sbiyaw, seupu rmgrig kana kingal jiyax ni kingal rabi, kika saw nii ka smiyuk, pstuq kari ni mstrung ita Gaya Seejiq, ana saw ini ktna ka Gaya rudan sbiyaw ka neuda ta sayang da, ida iya bi snhiyan ka Gaya rudan sbiyaw wah! Ana dhuq knuwan psaun qsahur ta nanaq.

從前，賽德克族有搶婚、訂婚與結婚的傳統習俗。在女方家點頭同意時，女生會被鎖在男方家裡，避免被破壞，會快速訂婚。男女結婚之前，由男方父母親觀察哪個女生適合，沒有結婚前，男方不能輕易踏入女方家裡。

最後，在完成結婚後才會有一些稱謂，mkpayi, mkbaki, mkeangu, mkeina, mkeata, mkeanay, mkmawan, mkeama。以前從訂婚到結婚，一般會在十天內完成，並開始傳話（喜帖），分配工蒸糯米、釀米酒與放陷阱打獵。準備宴客食物，這項傳統知識，要永存心中。