朗聲四起

izua tu ita qadaw, ti vuvu siniveli aken ta zidingsia. maleva aravac aken, lja tjengelay ken a pazidingsia. ljaki drusa tjukutjuku inika sepatj, ljakua djaljaw kicaquwan aken a pazidingsia. nu bulay a kalevelevan, pazidingsia a sema ta umaq na ku qali a kivangvang, nucuayanga uta a pazidingsia sema gaku a kilius. ti kina ru papaveli tjanuaken. vaik timadju a masiubay a veneli tua tawyu kata vawa paday. au ku sikicakaw a veneli ta alju. nu pasuvililj ta cengelj djemavadjavac ti vuvu a uqaljay, au pazidingsiangsia aken a kitjaulikuz tjaimadju.

tjenglay aken a pazidingsia i qinaljan, sumaya nu kemasi ljezaya pa ljelauz. nu mavali sarenguanguaq tu sudjusy. tjenglay aken ta pazidingsia makaljaviljaving ta ljavek, sa pacucun ta tjukudr milayalayap i kalevelevan. a ku varung mamaw tiamadju na malevaleva saka menalaing. tjenglay aken i ljaqediqedi ta disiaba a pazidingsia, sa pacucun ta kisiya tjevutavuta kemasi qetjung. kipisay kata kisiya tima tjatjaljaw, matu uri milayap aken.

paqenetjen ka ita qadaw, na pazidingsia vaik a masiubay veneli ta tamaku. cemalivat aken tua sipacacevung na tadjalanan pasa tjumaq. na paka djaljaw aken a pazidingsia tazua. inika nakinemenemen tuki izua zidusia kata caucau uli cemalivat. manu izua za kisan pivavaw ta nanemanga cangiangia a zidusiya. papintjus a tjevuta i paqayaqayaw. kilimu aken semekez. ljakua avan u cugecugen, semekez a zidusiya ika sananemaing na aken vaik sakamaya. au migacalj aken sa tjiaki a zidingsia matjumaq, u pacunan a ku piqay pedjamudjamuq tu saqetju.

vililj ka meqacanga aken. na patjavat amen tua kinaizuanan a sema taihuku, amin nu kaljakuinian kata kaljazalangezangan sema tjumaq paljilji tua ku vuvu, kupacunan aza zidinsia, mekerikeri anga. meladruqladruq anga ku djapalj. lja meqacaqaca sun aya ti vuvu qivu. mesadjeludjelung anga aken tauta, inika maqati u ljivavaven sa pazidingsia kivanvan, liaw anga cavilj sineqetj pasa ta kuvaw penaula aken a venelic. tucu, nu tjavarungen tazua kinakakedrian a nanguanguaq a zikang, singelit aken ta sicuayan a siljizavan kata vitjuqan i qinaljan. sengelit aken ta ku qaliqalian, kata ku vuvu a uqaljay.

有天，爺爺買單車給我，我很快就學會怎麼騎。天氣晴朗，我騎著單車去朋友家，或去繞校園。媽媽常要我騎車去雜貨店，買醬油和米酒，我會偷偷買糖果吃。爺爺下午散步時，我會邊騎邊跟在他後面。

我喜歡在部落裡騎車，尤其是從山坡高處下坡的感覺，風吹起來很涼、很舒服。我喜歡在海邊騎車，看著海鴿在天空飛翔，覺得自己也像牠們一樣自由快樂。我喜歡在火車站邊騎車，當火車從山洞出來時，跟火車比誰比較快，覺得自己快要飛起來。

有天，我去雜貨店買雞蛋，穿越巷弄回家的路上，我騎好快，沒有注意看轉角有沒有人或車，突然出現了藍色的大貨車，我趕緊煞車，接著撞上貨車，貨車停下來又開走。我慢慢把單車牽起來走回家，傷口還在流血又痛。

長大，我們到台北生活，只有過年和暑假回到爺爺家，我發現單車變得越來越小，我的腿越來越長，因為我長高了，我也越來越重，不能再騎這台單車，我放到倉庫裡，捨不得丟。現在想起來，小時候的時光很美好，想念部落美麗的景色與星空，也想念那些一起玩耍的同伴，更是想念我的爺爺。