朗聲四起

“Ququ quw quw”, mgrbu bi saman ttuyun ku hnang rowdux kdjiyax ka yaku. bhangan mu ga empprngaw ka drudan sapah, “sai tmutuy ka lqlaqi!”, “nhari usa kmaraw ka qyqaya dsdsun ta!”, “mowsa ta qpahan Brayaw”…., Siida ltudan dha rmngaw ka kari ni msquwaq balay, kiya do mtutuy ku da.

Ini ta klai sa snuwan ga niqan uqun mgrbu ka ribaw babaw rqda da, rwahan gumuk do asi iyah brah dqras ka kntalux na. Ida saw gnkla ka knux na wah! Kla sa damac gnmaxan lmlamu, niqan bunga, sari, sqmu, baun, krung sulay…. Qtaan ga psaan dxgal hiya ka idaw masu gnmaxan sama qudung hnpuyan uri. Niqan hnmaan qnpahan mqrig, qusul, usik qapal ni kingal bgu sama. Mnhdu nami trima baga do, mtqiri ssiyaw uuqan hiya tluung kana ka kingal ruwan sapah, siida dmuuy isux ka bubu suxun na baraw hari supih ka idaw masu mtalux. Tleetu hari do asi nami angal baga mkan kana ni dmuuy taku mimah bgu. Ana ungac ka siyang wawa ni qsurux, ida saw knmalu bi uqun ni bliqun dha smhiq kana ka idaw msngari baga, mqaras nami bi mkan wah! Saw nii ka uuqun nami kdjiyax ni kndusan hnici rudan Seejiq sbiyaw.

Ini krdax ka karac siida, mtutuy nami ni mquri elug qpahan musa. Muda ska elug siida knhuway bi mkala ka hidaw, rdaxan na ka dgiyaq ni teura bi qtaan, Skmalu bi lnglungan seejiq ka hngak bgurah mgrbu. Ana mqriqu bi ksaan ka elug dgiyaq, yasa embahang nami uyas qduda ni hnang kndadax qsiya ayug hiya, smnegul mnan mquri elug qpahan musa, mqaras nami balay.

「咕！咕！咕！」一大早被雞啼喚醒，家中長輩說：「我們要到Brayaw的田園去！」爐灶上傳來早餐的味道，有地瓜、芋頭、玉米、南瓜、小米粥、野菜湯以及山胡椒、蕗蕎等調味料。雖然沒有大魚大肉，卻都吃得意猶未盡…，這種用餐畫面，是賽德克族人傳統的生活方式。 

早餐後，長輩們背起行囊沿著山路往田園出發，陽光讓山嵐漸漸明亮，清晨的空氣、飛鳥的歌聲、溪澗的流水聲、讓人心情特別的療癒，雖山路陡峭難行，一家人愉快地往山上去。