朗聲四起

teymapeyzokab o iweywawalam no tao do pongso a macitarek do peyciamahamahatawan na, makoan so ngaran ya a ya macilolo do iyan rana

no minapodpod a ya pacingaranan, a no miyan rana so apo am, ya pacingaranan o apo sira, no mapintek o rarakeh am, mahap na ka ipilima no kablisan so ngaran na. so kakzan no tao a maciwawalam, ipakateneng so nimablis rana so ngaran a kagkagagan a zipozipos ang. o tao rana do pongso am, mamimin a mikadoa so ngaran do tao, ori am ipanci a saing no ngaran. o nimatazak a tao a motdeh no ikanem na vehan rana am, zakan sira a saingan so ngaran, so to da pipalipalici so itawag da do kanakan, ipakateneng na do ikadoa na no ngaran na.     

ipisa mangay ko do kadoan lili am, ipiminaminasi ko o katenngan ko a zipos namen, am pacicihen na yaken a manci no ngaran da ina, ka tovis ko jia a manci no ngaran da ina, am to na bonbona no lima na o mata na, akmey mikaoo a mancino “mo tolavata ori a nipipowa ko na.” so ji ko atenngi rana a mizezya. misinaoli ko rana do vahay namen am ipanci ko ji ina ori ang, so pakatenngan ko rana do kasaing do ngaran.

aro o tao a miyangay so ngaran, no mikeylian am pasongsongan so pivahayan da, akman so sinan Mangamizing do teyrala nojia do avak a do kaozi  nga. am no nikomaro do karawan o tao rana ori am, ji rana lavata o ngaran no nang, ta no mamizing da no maciwalam a tao am ioya da o niamlavat so ngaran ang, akmey ji asnesneka sira o nimablis rana so ngaran. so no ipanci o ngaran no asa ka tao do kawalawalaman, ka yan no mapizipos so maciyangay jia so ngaran ori am, saing no ngaran na o itawag na jia, ori am panadnadan so iciatatao, am isaray da o koan so sang no nimablis so ngaran do kapanadnad da dira no tao.

siciaikoa ya rana o amlida tao am, ya aro rana o ya abo so saing no ngaran, ta da ji ngarani rana no malalavayo a kaniapoan da, so da ipakarilaw a kavonasan so panlanlagan nira a ngara no tao, a nimyapo do ineynapo nokakoa a amoamownen no katatapilan a iweywawalam no tao do pongso, a yongkad do tao do pongso a milag a tao.     

達悟族的命名文化獨特異於他族，個人的名字隨升格為人父母、祖父母、曾祖父母等等，若長壽就會換五次名字呢。每個人除了正名還有備名，故族人喜歡群聚，以從中知親朋好友的備名。某次去外村看見親戚便問候，她問我媽媽的名字隨即回答，只見她雙手掩面流淚"妳怎麼講往生者知名。”原來傳統中，和睦是建立在尊重人的關係上，因而祖先格外很視備名的存在。現在年輕父母很少為孩子取備名，使他們喪失了源自於祖傳命名文化的珍貴祝福。