朗聲四起

kadondonan no rarakrakeh a mangyan so ananakan pa no kataotao a kakteh do vahay. a no mangyan a kapakacita so kapalangayan a miyowyaw do ili am, o onowned am kaji ngaroan rana do yanan a wari, do pacikakzan do kazasingan a pacionotan, ta akmey nivaod o ai a ji makararai so angayan do kalikey pa no yanan a wari.

yaken rana am kabnekan nira  niapoan ko a ya da pacingaranan, ya sira tatlo o ananakan ni yaken a wari ko, o piawang namen si wari a  macitonton jiaken am ya alima a kawan, o awang ko si wari a neylikey jiamen am, ya asa so ikaroa a kawan, so nikalovot da nira wari a niyanan ko.

no mian do ili si ina am, ji ko makararai so angayan, ta pilamnain ko si ina a mangay no ranom namen, ta nokanonang na pa am, abo pa o tagovi a pavoyogan ni ama so ranom do vahay namen. no mangay si ina  do ayo a ompis so rarako a ayob namen am, yanan ko sira wari do vahay namen.

nokalialikey ko pa am, abo pa o pananazangan so mogis do ili namen, so ikasanib ni ina a somibo do takey, no beken a manlaik do tokad no nihakawan namen am, mian do wakay namen a manzavok so tamek. si ama rana am no ji angay mangayo do takey am,  mangay mapazat so tawaz a iyan no among a ka no pai a ka no koyta a yakan namen. no manakem ko sira ama a mazikna niamen sira wari am, ori ji ko mapasobsobnai a omamizing so ciring da.

matanaraw o tagakal namen a niparing ni ama. no teyteyka am tagakal o pialilimahan namen a piwalaman sira wari, ta teypiya pilingalingayan. ipisa kapiwalam namen do tagakal am, macita ko sira kehzehza ko a mitayotayo, rarahen da yaken am makey o onowned ko am kapangya ko. makaha si wari rana am sapopohen ko a pabhesen do lolay na a paitkehen, ka pakapiya ko a mangay macikeykeyan do kagagan ko. akmey asa ka vatvatek no nikaroan ko ji wari am, mamizing ko rana a amlavi, ta nimacilo niamen a amlololos do piciociowciowan namen. mi ko rana sapopohen am ori nioring na rana. ko rana macita sira wari a ya piya so pangtoktoan am ko masaray so onowned a nimiyan jira.

通常，年長的照顧弟弟妹妹是理所當然的。小時候，媽媽總忙著芋田及地瓜園，爸爸若不上山砍柴就是放網捉海鮮供家人食用，有時心裡想著爸媽辛苦養育子女，就順服聽從爸媽的話。我是長女，弟弟妹妹全是由我照顧。媽媽在家時，我也不會走遠，那年代家裡還沒水故要去挑水。

涼亭視野佳，是我和弟弟妹妹們嬉戲的天地。某日，我趁老么睡著去童伴捉迷藏，沒多久被我們尖叫聲給吵醒，我只得放棄玩。現在他們有好品格，我的心也感到喜樂。