朗聲四起

tana ya tomiyawawan rana o na nikaroan jiamen ni akay cialaw am, ya ko  ji amtad a ya makanaken sia, do kapia no nakenakem na ji manamwad so tao a ji mapakaizaizay so kataotao na, ji manayo do kadoan so katenngan na iweywawalam namen do pongso, a ipamizing so maciwalam jia tao. si akay am mazonos paha do kanekanen a manidong so makarilaw a tao.

nimakalapo no ka lialikey namen sira wari a ka nira kateysa a mangangay do vahay nira akay, ciriciring no inapo namen o isirisiring na jiamen, so namen ikateneng a mizezyak no  ciring  no tao. si akay rana am apia ciring o ivavaga na jiamen, ori o kasasaray namen a maciwalam jia.

si akay rana am makeyneynahahapan, no mapipili o niahahapan na a among  am, ipanta na sira o maveyvow do vahay a kamanrarakeh, no nimaniai am azaon na sira mangahanas so motdeh a tao, no mian so mamirmirwa mivazay a tao am, mangay na sidongen sira, ta katenngan na o mivazay a tao am aro o pansahadan da so ikazikna da.

o vahay da akay am, masanib o keyan no tao do inaorod da, ikakey da mangay rapongen si akay a paciwalaman, ta aro o mamizing do dang a meyciamadadayan a angoangononong no mikalalavaten a tao. no aro o rarakeh a mawalawalam do dang am mianoanood sira,  no tomakatakaw  am, ipisirisiring da o vazay no asa ka ili ang.

si akay rana am mateneng a mamaring so sinahait a palikoden aka no vazongot. no mian so ikalovolovot no asa ka mahataw do pongso am, mangay sira o mamavakes a macinginangina so palikoden aka no vazongot ji akay, ta no mipalikoden a mivazongot o mamavakes am mineyrehmet. o abo so nizpi am vooden da ori a macizavoz do aro a tao, so sarayan da nia ji akay a ji abayo do iciatatao na.

no kalavayo na pa ni akay am, amian so maran na a nimizaza do kahasan a ji makalam rana, mamizing ni akay am mi na vavahen a omalam a mangay nia do pangavavawan Jimowrod, nimasanib do araraw a omvava si maran na mangay do pangavavawan. nokanonang na pa am, vayo pa o komin seyvo a nimai do pongso, so nikazikna ni akay ta ji na tenngi a pacisirisiringan o koysang a dehdeh, so pamizingan na jiamen a makowyat a mivilang so vakong do pivatvatekan.

阿公離開我們已經很多年，但阿公樂觀的個性及樂與不藏私，還有樂善好施助人的風範，都讓我難以忘記。

我們手足及表兄弟姊妹，自小就愛往阿公家跑，阿公都用族語與我們交談，我們都會說族語。阿公喜歡用正向的話教導我們，話題常常吸引著我們去與他親近。

我的阿公善於捕魚，捕到的魚會分送獨居老人。如果他採龍眼，也會分享給家有孩童的家庭。外公也會去協助為了辦落成，而開墾田地的人。

阿公家前院常有人聚集，他們喜歡親近阿公，人多話題廣，能獲悉多元的訊息。有時年老的人聚集，就會吟唱傳統古謠或討論部落的事。

阿公年輕時，他的叔叔上山不慎受傷無法走路，他馬上去揹著叔叔到蘭嶼衛生所醫治，這樣來來回回了好幾天，因他苦於無法用漢語向醫生溝通，所以告誡我們要認真讀書。