朗聲四起

Ita Seejiq Tnpusu o ida ta mnniq dxgal Taywang hini paah sbiyaw, kndkilan klgan seejiq o ini pndka nniqan, mniq ddgiyaq ka duma, kiya o Bunun, Truku ni duma na hiya; mniq siyaw gsilung ka duma, kiya o Amis, Pinuyumayan, wana bi klgan seejiq Yami/Tau ka ga mniq Ran-yi dxgal kska gsilung.

Ita Seejiq Tnpusu o kuxul ta bi ka dxgal nii, ini seeliq rnaaw, duri ni ini ta qhjii bi mangal ka samat.

Niqan lala bi gaya ta tnegsaan rudan ta, kani ta shngii ka suyang bi knkla kndsan nii, dai ta lmutut tmgsa ni muda ka saw nii, tai saw aji empshungi knkla kndsan ka laqi knxalan sayang.

Wada spgkla thowlang klwaan Taywang ka Seejiq Tnpusu o Amis, Atayal, Paywan, Bunun, Pinuyumayan, Tsou, Rukai, Saysyat, Yami/Tao, Thao, Kavalan, Truku, Sakizaya, Sediq, Ha’alua ni Kanakanavu 16 klgan seejiq, kngkingal klgan seejiq o niqan nanak kngkla kndsan, kari, gaya ni bukung knlangan dha.

Balay bi niqan endaan ka Seejiq Tnpusu, yaasa ungat patas ka sbiyaw, ungat ka seejiq pruway rmisuh matas. Endaan ta Seejiq Tnpusu o mkgarang paah snruan rudan. Saw mgmeenu seejiq ka mkla muda smnru endaan sbiyaw hug? Lala balay o mgrahul mssli siida ka rdrudan emppsnru endaan dha, aji uri o rudan ka smnru endaan sbiyaw quri embbiyax.

Quri qnseejiq o snaw ni kuyuh ka muda smnru endaan dha sbiyaw, kiya ka kiya ni ini pndka ka ssnru dha.

Kykuyuh o muda smnru endaan dha sbiyaw, kiya o tminun, mmkay, mmiyak ni kari endaan dlutut bubu dha sbiyaw.

Dsnaw o muda smnru endaan dha smtrung ana manu ngangut, sntrngan dha seejiq raaw, endaan dha mkeekan emppgeeluk dxgal, endaan dha tmsamat, mseupu ni pnswayan emburux paah dlutut dha ni musa thjil isil.

Kana keelgan Seejiq Tnpusu Taywang o ida niqan knkla kndsan msinaw kana. Msinaw o masu nbaqu ka psnagun, dmuuy bi jiyax ka gmsinaw, kiya ka kiya ni ini hmut msinaw ha! Asi ka niqan pusu psmiyan, jiyax qrasan siida, kika msinaw. RudanTruku ga brah mstrung ka embbiyax o pdkaran dha mimah sinaw. Msinaw o niqan gaya, ini imah sinaw kdjiyax ni ini gsuqi mimah sinaw uri. Saw nii ka pusu balay kndsan Seejiq Tnpusu sbiyaw.

原住民生長環境不同，有的居住在崇山峻嶺處，布農族、泰雅族…等，有的居住在海邊不遠處，如阿美族、卑南族…等，唯一居住在蘭嶼地區的是雅美/達悟族。各有文化、語言、風俗習慣和社會結構，歷史與文化的重要根源，透過口述流傳歷史文化。長者間述說，成年者對年輕者述說。女性常述說部落內的事情，跟婦女有關連的神話傳說。男人則偏重部落外發生過的事，與他族的接觸互動、爭奪土地的衝突、狩獵的故事、家族的分合及遷徙傳說等。