朗聲四起

Maaq a laituzaan a, maszang kaviaz mindadangaz ita. Anatupa tu palunqaqtung ata madaing tu iniqdian minsuma aipa mindangaz ita. Inastu ti ata miqumis kuzakuza, palunqaqtung amin i vaivivaivi tu iniqdian. Haiza iniqdian a maqtu palkaknuan, haiza ka nitu maqtu. Simaaq a namaqtu ma’uman i iniqdian ti? Sia dau anak’anak tu laituzaan a namaqtu. Qabasang a, haiza tatini qaqanup tu bunun, saduu aipa tu haiza tas’a sansuma a uknav nakalat istaa. Tinsuu aipa siza ki busul qatnaga matihunuk manaq. Panaqun istaa a, latungqazun istaa. Ushuanun istaa saduu a, amuqis sia istaa batu a latanglavun manaq. Sintupa dau tu, latuza a minanaq bunun tu nalasanan istaa a uknav a mapataz. Tutuza dau tu las’anan istaa latanglav a pinanaq a. Paqpun maaq a anak’anak tu laituzaana a, maqtu mapinsia ki imita sinkuzakuza, mapin’uka i sikaupa ka iniqdian mita.

Ukaan anak’anak laituzaan tu bunun maduku kuzakuza. Naupa ki mapising nitu minsia ka kainikuzaan. Saivan ata diqanin vaivivaivi tu tamasaz, ikma’aiun mita kuzkuza, maaq i pisihalun mita ikma’ia a, naminsia amin imita tu sinkuzakuza. Maqansaipa tu, qanglas ata paintataiv miqumis. Qais minsia ka sinkuzakuza, duanduan nitu minsia. Haiza tas’a qalinga taqu mita tu, “ Uka nastu ti nitu maqtu palkaknuan tu sinkuzakuza, musqa tu sanasia imita anak’anak tu laituzaan. ” Maaq a laituzauan a, sintupa tu asa tu latuza i imita tu iniliskinan siin sainiduan. Ukaan laituzaan tu bunun, mahaipi isvai a is’aang. Qabasang aak a, anatupa aak pikauq tamatina ma’insun, nitu lunguan tu namaqtu minkangna inaak is’aang. Haiza tu qanian a, saduu aak qaningu. Maaq a binanau’az ihaan qaningu a haizaan madaing tu laituzaan miqumis. Nii aipa mapising palunqaqtung i iniqdian, tis’uni aipa isiata laituzaan sisasaa saukinuz. Tutuza dau aipa kinuzin tu min’uniin i tusasasaus tu bunun. Paiska ita’in aak minqansiap tu sia qana is’aang a madas imita tu hubung kuzakuza.

自信是幫我們克服萬難的小精靈，就像好朋友，需要幫忙時總會出現。國小成績不理想，不管家人如何鼓勵，挫敗的感覺仍久久無法平復。後來，看了一部片，女主角遇到困難從未放棄，也不向命運低頭，成為知名的明星。這部影片讓我知道自信心有多麼重要。

自信心是對自己最基本的認同與肯定，相信自己可以做到，堅定的信念才能成就心中所想。可以沒有豐富的知識、強大的背景及豐厚的資產，但絕對不可以缺少自信心。