朗聲四起

Maaq a laituzaan un a, maszang kaviaz mindadangaz mita. Anatupa tu palunqaqtung ata madaing tu iniqdian minsuma aipa mindangaz mita. Inastu ti ata miqumis kuzakuza, palunqaqtung amin i vaivivaivi tu iniqdian. Haiza iniqdian a maqtu palkaknuan, haiza ka nitu maqtu. Simaaq a namaqtu ma’uman i iniqdian ti? Sia dau anak’anak tu laituzaan a namaqtu. Qabasang a, haiza tatini qaqanup tu bunun, saduu aipa tu haiza tas’a sansuma a uknav nakalat istaa. Tinsuu aipa siza ki busul qatnaga matihunuk manaq. Panaqun istaa a, latanglavun istaa. Ushuanun istaa saduu a, amuqis sia istaa batu a latanglavun manaq. Sintupa dau tu, latuza a minanaq bunun tu nalasanan istaa ka uknava mapataz. Tutuza dau tu las’anan istaa latanglav a pinanaqa. Paqpun maaq a anak’anak tu laituzaana a, maqtu mapinsia ki imita sinkuzakuza, mapin’uka ki sikaupa ka iniqdian mita.

Ukaan anak’anak laituzaan tu bunun maduku kuzakuza. Naupa ki mapising nitu minsia ka kainikuzaan. Saivan ata diqanin vaivivaivi tu tamasaz, ikma’aiun mita kuzkuza, maaq i pisihalun mita ikma’ia a, naminsia amin imita tu sinkuzakuza. Maqansaipa tu, qanglas ata paintataiv miqumis. Qais minsia ka sinkuzakuza, duanduan nitu minsia. Haiza tas’a qalinga taqu mita tu, “ Uka nastu ti nitu maqtu palkaknuan tu sinkuzakuza, musqa tu sanasia imita anak’anak tu laituzaan. ” Maaq a laituzaan una, sintupa tu asa tu laituza ki imita tu iniliskinan siin sainiduan. Ukaan laituzaan tu bunun, mahaipi isvai a is’aang. Qabasang aak a, anatupa aak pikauq tamatina ma’insun, nitu lunguan tu namaqtu minkangna inaak is’aang. Haiza tu qanian a, saduu aak qaningu. Maaq a binanau’az ihaan qaningua haizaan madaing tu laituzaan miqumis. Nii aipa mapising palunqaqtung i iniqdian, tis’uni aipa isiata laituzaan sisasaa saukinuz. Tutuza dau aipa kinuzin tu min’uniin ki tusasasaus tu bunun. Paiska ita’in aak minqansiap tu sia qana is’aang a madas imita tu hubung kuzakuza.

自信是幫助我們克服萬難的小精靈，就像最好的朋友，需要幫忙時總會出現。

倘若人失去自信，可能什麼事情都做不好、無法勝任，也有可能一蹶不振。比賽不只一次，怎能因為一次的失敗就否定自己。

回想國小時，成績不理想，自信心受到打擊，不管家人如何鼓勵，挫敗的感覺仍久久無法平復，無法激起原本的自信心。後來，看了一部片，女主角非常努力地向別人學習，遇到困難也從未放棄，不向命運低頭，她成了一位知名的明星。這部影片讓我重新正視自己的問題，知道自信心有多麼重要。

連自己都不肯定自己，憑什麼要別人來肯定？自信心是對自己最基本的認同與肯定，相信自己可以做到，堅定的信念才能成就心中所想。可以沒有豐富的知識、強大的背景及豐厚的資產，但絕對不可以缺少自信心。