朗聲四起

Maqasla mita diqanin tu minvaivivaivi. Maqei mintalaban siin minqamisan a maiduduu a diqanin tu nitu makazhav, nii amin mabaqis; kaupa ihaan talaban a mabaqis, qamisan a makazhav. Lusqa tu maaq naka kastanun zaku mazima a, siia qamisan. Makazhav daingaz a diqanin ihaan qamisan. Maaq a bunun a panqautupan amin i hulus. Mavia aak tu mazima i qamisan i? Aupa nanii aak sai’tan kuzakuza, sanavan masabaq a manangqat a aisabaqan, makatpal a sinpasapal, makatpal amin a qabang hilhilun. Maqtu maliba ki az’az qutpsil tu Hacisu qaitmalun masabaq. Sautusqang naak ka aisabaqan ihaan qamisan.

Ihaan qamisan maaq bunun a maszang i mali mabubuqul sadaun. Aupa makakatpal inaita ka pinainuk. Ihaan duma dalaq lapavan dau, maaq a paav a maszang tutuza maduduqlas hana kusbabai, lahilhil i ismuut, lukis siin lumaq. Mastaan tu manauaz daingaz saduan. Mazima aak ihaan qamisan. Aupa madia a lulus’anan tu qani’anan. Lus’an Kulisimasu, muskun i tais’aan tusasaus, iungi, qaimal, maun i kucisuu. Ihaan pas’upain a qamisan tu sanavan a, muskun i malalabas bunun tan’a ki tusasaus siin iungi, mantatala i baqlu tu qaminsan, masatu i tatuun tu qamisan. Ihaan qamisan a, pal’uunin aam ihaan  ka’ku. Manahip daingaz naak a is’aang. Aupa na maqtu aak masvala miqumis, kuzakuza ki kazimauk tu iskuzakuza. Muskun tamatina tantungu, munhaan duma dalaq mudadadaan; maqei ilumaq a, tan’a ki CD, saduu ki inga, masipul i duma kazimauk masipul tu haqil.

Haizang lus’an Puut, tupaun mita tu Pavilung. Itusia aipi Tauluu tun tu islulus’an, musqain ata Takisilazan miniqumis lavilavi intuun lus’an. Maaq i lus’an Puut a, patantutungu a tais’aan, mukun maun, muskun manaskal. Malalabas amin a mainduduaz ihaan qamisan ti mapasisiza. Aupa madaing dau ka kainaskalan. Maaq a diqanin na, nii tu isdauk mukhuvai. Maisnahaan mintalaban, mukhuvai muhaan Talban; Mmaisnahaan minqamisan, mukhuvai muhaan qamisan. Manauaz amin a diqanin pun tu, sia naak qamisan a tutuza tu kazimauk zaku.

四季分明。每個季節各有美感與特色，而我最愛的是冬天。冬天是休息時間，在寒假時看課外讀物，補充知識、玩拼圖，看謎語和笑話；看電視玩電腦，累了就直接往床上一躺，呼呼大睡，這是舒服的冬天。

春耕夏耘，秋收冬藏，一年四季，周而復始。愜意的冬，日日好眠；溫暖的冬，幸福滿滿；有趣的冬，忘卻煩惱；舒服的冬，放鬆心情，這是我最喜愛的季節。