朗聲四起

izua za ku pinacunan a tjaucikel itua sunatj, pakanguanguaq aken aravac tazua patarevan. azua tjaucikel tua patjara “galasu a kuppu”.

“anema aicu?” nu ayain a kivadaq a marka caucau, saka pinizuan tua miluku azua kuppu, “miluku azua,” aya a marka caucau; qau nu pinizuan tua ’abula, “’abula azua,” aya a marka caucau.

amin nu neka nu pini kuppu, mana makapacun a marka caucau tazua kuppu, sa qaqivu a: “kuppu azua,” aya.

aicu a vincikan napakinemnem aravac tjanuaken.

nuka ki tiaken azua kuppu, aki ken a pakanema-i nua zuma, aya-u?

aki ken a makakeljang uta tuki ken a anema?

a paqulid, napakisumalji aravac a caucau. nu sikilaing tua kakudan, a caucau nu tjameqaca, saka tjaliaw a kinljangan, sedjaljep a tjamacaqu a kipakeljang a paljaluai tua patjara timadju. ljakua, matu inika namayatazua, a caucau nu tjameqaca, saka tjaliaw a kinljangan, tjamacaqu a kipaselem, a kipasasenguaq a kimadju.

izua za ku kaka a vavayan a tjaljaljak tjanuaken tu lima a cavilj, tuazua ka tjakakedrian anan timadju saka itua yucing anan, nu kana mangtjez timadju a sema umaq, inika makaqaqivuivu tua tjaucikel, azua kinaigakkuan a puraketj sitjaucikel a paljaluai angata. qau senayu nu ayain ni kina, semnai timadju; milinganu nu ayain ni kama, menilingan timadju.

tucu itua kusiau anga timadju, liaw anga a kinljang, ljakua patjasegalju anga aravac. qau senayu nu ayain ni kina, ini anga ka selaing a semnai; milinganu nu ayain ni kama, ini anga uta ka pukauii a menilingan. timadju patjalialiaw anga sizaqazaqaw a pi varung, macaqucaqu anga uta a kipaselem, a kipasasenguaq a kimadju.

nuka ki tiaken azua kuppu, aki anema a uri ku pizuain saka kamayan a ku kinakemudamudan? aki ken a kemljang tuki ken a anema aya-u?

aicu a ku sinupu a tjaucikel, matu temulutulu tjanuaken: a tja varung nu pinljuqan anga tua pukuya, tua manguaqan, tua tjemuljuk a kipapiayan tua ngadan, azua ini anga ka mavan a sinipaqati a tja kinakemudan angata.

a caucau maluljai a pakaizuazua tua namapakakudakuda, ljakua pazangal a pakaizua tua kaqulidan a timadju.

杯子裝滿牛奶，人們會說：「這是牛奶。」只有杯子空置時，人們才看到杯子，會說：「這是杯子」。人對我們的印象，常也是因著自己生命有甚麼。人知識越多，應該越能夠表達出真正的自己。事實上越會隱藏、裝飾自己。

妹妹幼稚園時，媽媽叫她唱歌，她就唱；爸爸叫她說故事，她就說故事。長大後有越來越多的秘密，學會隱藏、裝飾自己。當我們心中裝滿成見、財富、權勢時，就不是自己了。人往往熱衷擁有很多，卻往往難以真正的擁有自己。