朗聲四起

Kuta ka umaumase, ku taikaiyaneta kay kaumasane panianianiake, lritaraikay ku tualay ki amanilringa ka wabaai kay abake si kidremedreme si kinaumasaneta ka Tuaumase, pikaynga kudra kitupatharevane si kitululudaneta ku akitukucingacingalraneta. lakamani kudra atarapulringalringavaneta ku atarangipapulringavane manemane kikay ku tapanianiakaneli iyaiya, ka tangea ka tangea si kisamulamula kipasilape ku tasianeananeta, takasuainuane ka manemanane ka zuku, ku kacekelanelringata, saniangeta ka lakacalrisiane ikay kay Tayvange, laikamanianengata ka kaitathainu ka Ngudradrekay.

Ikay ki nitarasupatane ka iday pulrabale ka caili, ku takelane ki lasingibadhanane si mucekele mitaane, ravase kay kadaenganeta, kadrua ku susuane malra pabalrithi kay naganeta, dredrepete tamenge ku arakaiyaneta kay vagata, bulru ku makaela turamuru ku kaikanakakudhaneta, lamalra pakavaveday kay natangimiamianeta si kasuburungata mia kikay.

Lakamani, lupacengecenge ku tangithathingalaneta ku patharevane si luludaneta, lrimakapualrata si pucuguta ku patharevane si luludaneta panianiake ikay ki taitalikaiyaneta kay Taivange, si lukatuasengata ki cekeleta, mulatadrenga kay kadaengane kay Tayvange. kaitalringisasidrekase kalrumale ngipapelaela, kaitalrikitudreadrekase ki druma ku lritulilisi nawpakaamudu amiamia mitaane.

Latapatualay ki vaga ki Tuaumase kasalru ku sasibulrubulruane mitaane ka mathariri suadalepeta, ala kidrikisi ku atuthingalane ku pukuta si gimuta ka mapapangale asakacekele Taivange, pakela ki taisarubuane ki suakaumasane kitupacase si kituhulrice kipaasiasipi. Kisamula tupacase kay vagata si bulru ki sakacekele, muadringi kingikiw kay patharevane ki bunguka si takidremedemaneta, sanatukucingalreta ki sabulruane ki Siisiw si idaanengata ki hulrice ki cekele Taivange, lritarakakalithita si palakebe si paathingalane ku tharirane si tamukalrivilane ka atualralravane lini mitaane, sanatualraw kay bungukata si kicakuane kay vagata, lriarupadrimadrima ku wathingale si musakene si tukucingalre mukuludru mitaane ka Ngudradrekay.

我們存在於這個世界，必定有上帝所賦予我們其中的重要意義和尊貴的價值。我們每一個人必要清楚的認知生存的道理，努力去探尋。肯定上帝給我們的禮物，努力爭取我們身為人的權利和義務，直到國際上被立法和文字化。教導族人，深入的研究文化的意義和哲理。

重視聖經的教導，將我們的優美文化和人格特質展現，其他人一旦認識我們的文化、語言，就會影響更多的人交流，展現魯凱族的意義和價值。