朗聲四起

Yu matiya adidi’ hen kaku tangasa i nikatu’as, awa’awa’ay ku vana’ nu maku tu suwal nu Pangcah. Caay aca kavana’ a mitengil tu nikasasuwal ni vayi atu ni vaki. Simsim sa kaku, cima saw kaku? U wawa haw kaku nu Pangcah? Anu sa’an, kiya mavukil kaku tu suwal nu mita.

Araw matu’as tu kaku, tarakawtu ku miheca’an. U ruma ku ngalay nu maku a mavana’ tu suwal nu tu’as. Matengil aku ku namaka valucu’ay a suwal, suwal sa, sakilemelen a minanam tu suwal nu tu’as. Yu i luma’ hen kaku, ca’aca’ay pisanuPangcah a masasuwal tu ama atu ina. U nu Hulam amin ku sakasasuwal nu heni, nahacuwa kaku a makatengil tu suwal nu tu’as. Tanungalay han naku a mavana’ tu suwal nu tu’as. Nika, a ma’anen saw nu maku a minanam tu suwal nu Pangcah? Ira haw ku sakapahay a nananamen? I cuwaay hakiya ku kalamkamay a nananamen? Adihay aca ku nisimsiman nu maku tu nu sapinanam tu suwal hananay a demak.

Sa’ayaway, a u radiw nu Pangcah ku nananamen nu maku, maulah kaku tu radiw nu tu’as. Saka’ulahan sa a tengilan ku radiw nu mita u Pangcah. U ruma ku ulah aku a minanam tu radiw. Namaha’en a cuvay sa a mavana’ tu suwal nu tu’as. Sisa, misakilemel kaku a mikilim tu radiw nu mita. Nika, adihay ku nikatengilan nu maku a radiw, masakilemel kaku a minanam tu sakaulahanay a radiw. U saka’ulah han nu maku a radiw satu, “U Pangcah hananay a tamdaw, u Pangcah hananay a tamdaw, u mikuliay tu remiremiad, ca’ayay katalaw tu cidal atu urad.” Sisa, caay katalaw tu cidal atu urad ku wawa nu Pangcah, malalukay amin ku wawawawa nu mita.

U malemeday kaku a malawawa nu Pangcah. Ira ku sakapahay a suwal, a radiw, a lisin, a keru atu serangawan nu mita. A sakalamkam han nu maku a minanam tu suwal nu tatu’asan. Anu mavana’ tu kaku, a sipasevana’ tu wawawawa nu mita tu nu tu’asay a suwal, a ridw, a lisin, a keru atu serangawan nu mita.

從小到大，我不會說族語，不能理解外公外婆的話。我常常思考，那我到底是誰？我是阿美族嗎？如果我是的話，為什麼我聽不懂，也不會說，怎麼會如此？

隨著年紀增長，內心深處的聲音，不斷督促我去學習祖先的話。我渴望理解祖先的話，但我要如何學習？用什麼方法學習，在哪些時候能夠學習？我有很多想法。

唱歌是我最喜歡的事，阿美族的歌謠很好聽，想透過唱族語歌來學習。我著手尋找族語歌謠。我努力學習阿美族的歌謠，其中有一首歌詞是這樣說的，阿美族人，阿美族人，每日努力工作，不怕太陽，也不怕雨，阿美族是一群勤奮的人。

我為身為阿美族感到驕傲，我們有最美的語言、歌、舞、祭典和文化。我要加緊腳步去學習並教導孩子，讓他們學習、承襲阿美族的語言、歌、舞、祭典和文化。