朗聲四起

’ima ’abe’ ’okik hingha’ kamarempe’ koSa’en bae:ae’ kak’ayaeh. So: hinehnak ’alikaeh a tomal ma’ nakhara’ repe’en ila ka hini bae:ae’ kak’ayaeh. ray roSa’ Siyan o Sam’iyaeh tinal’oemaeh, hahayno’ SaSinSinrahoe’ ’asang, hito’ ma’ rarepe’repe’ ’alikaeh ’inSika: saboeh ila ha:aw hini’ kak’ayaeh nakhara: kakhayza’an monpoSal ’am papanae’ kin ’abe’ a tomalan.

’aring mowa:i’ ka hini bae:ae’ kaka’ayaeh, tabin ’isahini’ ma’ ’aehae’ ila tinal’oemaeh hayza’. hini bae:ae’ kak’ayaeh ma’minsalaz no Sala’ SARS ’abe’ a tomalan. kin’alikaeh rempe: ila ha:aw ’alimika’ a ripon hayno’ ma’ rompa: ila haeba:an mae’iyaeh repe’en masmasay. ’alimika’ lasiya ’okik ’abe’ pongabas, ma’ rengreng kil mae’iyaeh hon’al’alih ’ima raroton, ma’minsalaz no ’aroma’ SaSinSinrahoe’, ’asang rempe’’alikaeh a tomal, lasiya kayni’ Siklobib tikot ’am rempe’ ray taew’an mae’iyaeh ma’ hayza’ kamamalaehang kayni Siklobih tikot ’am rempe’ taew’an mae’iyaeh korkoring ’iyakinita’ hi ’oya’ ma’ ray hinohaes ’ima saze:ez nanaw ’ana hiya’ komita’ ma’ ’iyahinangih saboeh.

haysani’ ma’ hayza’ ila ka ’iyo’ hahazab, ’ana nakhiza’ ma’ ’akoy ’inokik hingha’ maymaynibih ’ima ’abe’ kak’ayaeh, ma’ hayza’ mae’iyaeh hazaben ka ’iyo’ ramo’ kelse:, basang ’aewhay baeza’en o rika:. haeba:an mae’iyaeh tikot ila homazab ka hini’ ’iyo’. ’in’alay hayza’ hini kak’ayaeh ma’ kayni’ Sik manmanra:an a papama’ ka kamahayap ha:aw kamrawaS, ’ita’ ma’ kayni’ noka ’aroma’ SaSinSinrahoe’ SikaS’abo’, hini kawa:i’an ka rayhil ma’ waelae’ ila ’oyaeh!

So: hinola’ rika: a basang ’aewhay bazae’en ma’ paklobih, ray taew’an Sangay naehan, tikot ’am repe’ ka ’aroma’ mae’iyaeh. So: ’oka’ ka ralom ma’ kayzaeh noka pinobae:aeh ralom ti:ma’, basang So: kayzaeh ka kinalahang ma’ ’amkay repe’en ka hini bae:ae’ kak’ayaeh o!

嚴重急性呼吸道症候群冠狀病毒在2020年擴散至全球，傳染速度遠超過SARS，感染人數不斷增加。現在有疫苗可注射，還是很多變種病毒，也有很多人也害怕打疫苗。這個病毒，禁止坐飛機出國、進入。衣、食、住、行、生活和以前不同，不知病毒何時會消失。保護自己，不去人多的地方。搭交通工具配戴口罩，與人交談，不靠太近，吃東西前先把手洗乾淨。如有發燒或身體不適，就先回家休息。可用酒精來洗手，好好保護身體，就不容易感染病毒！