朗聲四起

kasicuayan izuaza kerikeri a ’inaljan, a ngadan Djerav aya, izuaza ita ’aciljay imaza i Djerav ’inaljan, pinapungadanan tua ti Sivere, mavana ljemakeljakev tua ’inaljan i Djerav, izuaza namayatucu a kai a sipatjatjaucikecikel i ’inaljan, na papisepi a cemas ta lja Kauvuan ati Ljamayav a parakaljai a mayatucu, pasusu tua u(ku) sinipazazekatj a kai a kipakim taza marecekelj a ’aciljai ayayin, pai tuazua vaik a kipakim ti Ljamayav a lja Kauvuan, kipakim a tuki makapidalj a ’adav ti Ljamayav a lja Kauvuan, manu djumaken ipasa Kuvakuva i veljeluan aza ti sivere a u’aljai a ’aciljai, ljakua inikana djemumak taza vavayan a ’aciljai, vaik a semauma’ ti Ljamayav a parakaljai sa ’epu’epui a seDjerav a ma’acuvucuvung a rakac, sa ’alui a pasa Djerav ’inaljan ti sivere sa ljenguai sa kapalisilisi, nu matjatjaucikecikel a i’inaljan a cawcau mayatucu nu ’ivu, aicu a ti Sivere a ’aciljai pulu’em aravac aya, kana izua tja siki’aung tjaimadju tjara mapasusu sakamaya aya, pai aicua seDjerav a ta’alja’aljan nu urivaik a kiayan ta nemanga a malalumalumalj kata nu urivaik a semacemecemel a ’emaljup, tjara ki’aung sa palisi a pasusangas tjai Sivere, ki’aung tua ulja tjaljamakayan nu kiayan ta malalumalumalj tiamadju, kata nu vaik a ’emaljup ulja izua kini’aljup niamadju, kata nu vaik a kiqecian ulja tjaparut a ’alja aya.

ka imazanan a Dripung nu uri setavat a ’inaljan tjara kacuyin sakamaya ti sivere, nu uri pakagaravagaven a pasetavat isangas, cemulju anan ta ’acang a palisi a ta’alja’aljan, sa tjaramavana lja Kauvuan a ti Ljamayav a parakaljai a kemacu a palisi, au nu sinalaputanga ni Ljamayav a parakaljai ti Sivere, mana makayanga pakagaravagaven a pasatua pinetjan ta uri kaizuanan.

tucu a kinaizuanan ni Sivere imaza i Kazangiljan ’inaljan, izuaza ’ivuivu ta pasetavat tjai sivere, ljakua nekanu lememu a pakagararagav, ayatua kataisangas izuaza ikamasalu taicu pai na kemacu ta kikai a sisapasapai, manu ka celecelen ta kikai ti Sivere, kirimu a maljekuya izua za kikai nimadju, au tazua kamasulem sa’tju a selapai saka inikanga makaya migacalj timadju, inikacuai vaik ikacauan timadju. pai kemasizua matjatjaucikecikelanga a iKazangiljan a cawcau, manu pa’ulid tu katjelu’eman aicu a ti Sivere a ’aciljai aya za ta’alja’aljan!

以前有個部落叫Djerav，有一塊石頭，名為Sivere，是當地的守護神。有傳聞，說神明曾託夢給Kauvuan家族的祭司名叫Ljamayav，要他好好照顧Sivere，並說Sivere會保護部落及族人，告訴族人千萬不要隨意搬動他。

有一位挖土機的駕駛不信邪，想移動靈石，故意用挖土機碰觸靈石，結果他的挖土機當場壞掉，他回家後開始生病，後來中風去世，此消息在部落傳開，族人莫不驚訝不已！從此不敢隨便移動Sivere。目前Sivere安置在kazangiljan部落的最上方，世世代代保護kazangiljan部落，祝福kazangiljan部落。