朗聲四起

Maaq mita bunun a inuqumican a, asa tupa haiza a babu. maqi pasiza a, asa tu pataz babu paqusil i taic’aan, maqi tinis’uva’azin a, asa tu masatu i babu paka’un i ulumaqun tu taic’aan, tupa’un tu piskazhav. Haizang duma luc’an asa amin tu haiza a babu pinaskal i taic’aan.

Maaq qabas bunun mac pataz i babu a, asa tu kangaus pakisniap i diqanin, nii tu sic’anun a babu mapataz, asa tu palbuntu’unang masling i’iuq, pakahanun itu babu tu sinluklac ciin sinsunbang, pakisniap pimasaningsing ciin samasqing tu sinsumsum. Anangqa asa ka babu tu masling ciin talbubuntu ka sin’i’iuq tan’aun, natan’aunin i diqanin, na’aivan tamadiqanin i macihal tu iniqumican ciin makackac tu lukbu.

Maqi mahuqhuq i babu pantala ki tiquc a, asa tu kada’un anpanvasvas tu tikic, napungausun a taimidalaq paka’un. Maqi tunganin masumsum i diqanin ciin dalaq a, tudiipin ata maqtu ma’un.

Tinupa ka madadaingaz qabas tu, maqi pasisiza satu’an i babu mac mapatazin i babu a, asa ka simal tu isqusil i pitilain, aupa maaq qabas a uka’an, paqalavan a simal, maaq a simal a maqtu pisbaqicun a min’unin i ishanat i pan’ai’an tu avula. Maupata ata Bunun tu madaidaz i pitilain, anangqa ata pakacihal ciin patantungu ata ki tancala.

Anangqa asa ata bunun tu kapimaupa ki sindailaz i madadaingaz, natudiipin makakackac a minkikingna ciin manaskal a iniqumican.

布農族的結婚、祭祀、慶典活動、孩子出生時都需要有豬，透過豬的叫聲、氣息，把我們的心思意念及感恩，傳達給上天，就會祝福我們的工作、生活。若要用容器接殺豬時流出的血，還要讓一些豬血噴灑在地上，讓地靈先食用。敬過上天、大地後，才可以享用所剩餘的食物。

以前在結婚殺豬時，會把肚子肥肉的部位割成一塊塊，特別分送pitilain，表達對pitilain的重視、對親家的愛護。這個部位是珍品，現在已經沒有遵循祖先留下來的殺豬文化行事。