朗聲四起

Maaq a Bunun a sisdang i ludun daingaz miqumis. Makusia via maquun ludun, makusia sapuz pistaba ki paiqunan, tudipin minhaiza quma unqumaun ita. Mailantangus tu Bunun malkaququma amin, minang i maduq, sumsum, salaaz, nadaz; pisqaltum i samang na’isdanuq ihaan vunun; maqaltum i lamuqu ihaan quma, masuaz i hutan, tai; masuaz mi’ut, bahat, bitaqul, lainsaz. Maaq aingki a namin’uni kakaunun ita.

Maqei isbuanin a maquun, minanag a, kamaniin a quma kakasai’un. Maaq a banananazaa muhaan qanupan qanup. Maszang a qanupa is’unququma tu sinkuzakuza. Aupa dau tu nii a binanau’az siin uvavaz’az pinhamuun, kaupa dau tailupuin tu banananaza qaqanup. Maaq a binanau’az siin uvavaz’az a ilumaq saipuk i lumaq siin quma.

Maaq a imita kakaunun a, sia maduq. Duma a siin i hutan, tai, lamuqu, bahat. Uka’ang dau ka paaz tilas un. Haiphaipin ti Bunun tunlusqu munhaan bukzavan  a, isnavaanin i Lipuun maqaltum auqsa mapinsamang, a sunudun mapunhaan vunun madanuq a, haizin mita tilas kaunun.  

Saipuk amin ata Bunun sinanaipuk, maszang i tulkuk, vivi, huahua. Siduun aingka ihaan patulkukan, hiaza havazun saipuk. Saipuk amin i babu, sidi siin asu’, ngaung. Siadau babu a pistanun saipuk. Maupa na ikma’aiun aingka isisiza i bunun; maqtu amin ispahuvaiv i quma; maaq i lus’an daingaz a, maqtu mapataz babu isqusil i minihamu tu tais’aan.

Maaq dau ka kakaunun tu sanglav a, haiza a qudu, samaq, maaq a tangavaz a imita bunun taikiqabasanang tu sanglav. Maaq dau ka kukut’aqun a, sia ki lapat, takisu, bunbun, salitung, li’tuk. Paqpun nii dua ka Mailantatangus Bunun pavai’an i kakaunun ihaan ludundaingaz miqumis. 

布農族依賴山田燒墾（或稱刀耕火褥）的農業生產，以山田粟作及狩獵為主、山溪採集、及家畜畜養為輔。主要食物來源為小米、玉米、甘藷等。開墾土地由男人負責，女性負責除草、巡視農田等。mapudaqu多半由男人來執行。傳統以換工方式進行，姻親有義務幫工的習俗。

布農族也飼養雞、鴨、鵝等，也有養豬、羊、狗、貓等家畜。採集龍葵、鵝仔菜、野生韭菜煮食、野果、野菌以及鳥類、小蟲可補足肉類不足。