朗聲四起

tjalja ’usasazuanan a kakivangavangan avanazua ’u gakku, i tjalju putungan taza djaraljap. rukigelulung kata kiljakay sa pasizangal a ’elingalj, masipicul a mitjatjuljuk! nia kasasekezan a tjezua a ’emiladj a maretaucikel katu ku ’ali, semasa tua tja varung! nu ma’adadav selangeda itjen tua ljingav nua ’aya’ayam, mayanga saluman nua mareka vuciar! aza vuciar izua maru sapuyanga za ’udjiljan, izua maru sulja za vute’iljan, izua maru king a kinavuravan, natu malalumalumalj tua kinangu’an natemalidu aravac! sa azua kasiv mayanga kinamezangalan maru taitaitan a namatjak a kacala’ /’ausua, tja kakiljaljaungan nu kaljazaljangezangan. azua kasiv liav a kinicaingan nua sasi’ sangadav sadjsadj ’umadamadas ’uljicacingelav kalabiabi ljatjuletjulek ’uljipepe a maretimaljimalji a tja pacucunan.

nu djaravac a lemuiluv taza i vavav tua kasiv a mareka ’u ’ali, ’u djumaken za vuvuan, sa kisase’etan a pacun matu kasiv, uri sekaulavitjen, nasemamalji aravac! kemasi tua zuga sa ’ukeljang tua tjabuljek. izua uta paladat ljatjeng ’uljicapudus maru sivitjay a sikudan, numaumalj a ’elju’elju ikanga cemikel. izua uta za ’azalj sinan kakanen na ’am. aza sasayalj kemapalak tua kasiv tua ’eluz, izua ’udjidjilj a karangakang, gacel saka venatirik nu kacen itjen sa’etju aravac!

ruvaik a’en a kilingav tua sikudan niamadju, madjulu a tja kipakiman! sivu’esi ta ljualju, palamu tevuta tiamadju. ita drusa…patje alu… u! u! meliav meliav a namaljegeljegeljeg aza sasi’ a vaivaik matu sivitjay a matjatuljutuljul! nu tja pucunan matu patjatjengtjengtjeng, matu cawcau a remakarakac ta kasiv. azua nakipa’uli’ulid azua kisamuljan, semavarung aravac tjanuitjen! djaljepan aza vecik nua sunat, ulja na kivauvaljitjen ta setukezan rarasudjan nua sasi’ aya, maca’u a pakamangua’ padjulu a ’emeden tua sikavaljut a lami niamadju!

i gadu a nia gakku, ljakua nasarenguangua’ a vali! makakaizuazua a tja pacucunan a nemanga inalang nua na’emati! izua nu mavavutavutaamen, tua kuku a kalabiabi a ’ulicacingelav! tjalji’acangata a nia kakivangavangan! manasika tjengelayamen a malalailaing a kivangavangavang!

我常去校園一角的榕樹下，常去溜滑梯和盪鞦韆。夏天的校園，五顏六色十分美麗，住著好多昆蟲，包括螞蟻、椿象、夏蟬、毛毛蟲、蜻蜓、蝴蝶、螳螂、飛蛾。

老師說螞蟻很多種有黑蟻和小黑蟻、大黑蟻，白蟻是穿山甲的食物，另一種白蟻會把木材柱子腐蝕、還有大紅蟻，會讓皮膚會發癢發腫！我常去觀察螞蟻習性，他們交頭接耳好像在互通訊息，他們拉著食物，很會未雨綢繆儲存糧食！大家都喜歡在學校玩遊戲、捉迷藏，或追趕蝴蝶蜻蜓！