朗聲四起

katiav ka kica’ua’uan amen ta sikitjaulaula, manu kikemeda tazua madjaulj a namapelju’ nasadjelung a nia kininemeneman, talimuzavamen a mapuljat! yamanu uri kitjaulangamen, a uri kitukadanga tua tja gakku a pa’ulid ayamen! nu kipa’enetjamen a kemasitua pinatagiljan a magakku, tazua nekanu tja sinikeljang, mayanga ikatjenapulingalingav tua nema pacengcengceng tua nema pasalisaliv, saka nekangata rekutjan!

nu temulutulu a sinsi napasabilji’, nu kirivuavuan a sinsi, na mimaulavan sakamaya! tjara sa’etju a ’ulu ni sinsi, a temulutulu tjanuamen a tja’a’unuan a situ. saka izua uta a temulutulu tua patjara sisenasenay patjara tinnau patjara undu patara zemuga menalang, katua situlutulu a zuma, izua paljakeljakev tua nia kinacavacavan a gusi. patje tucu a unemanga a cavilj, magaljuanga a namazuluzululj a kakiljivakan a pinacalivat a luljayan tjanuamen. ayata tiamadju a mareka sinsi, izua tezengan izua pazekatj tjanuam, nekanu lulayan nekanu supilan, mavanasika namakeljang tu namaca’uamen tua semupu, namadaudav namapaulingav tua nangua’ tua nakuya.

aicua pasusangas tua nia kitjaula, izuanga sinipapaulingalingav a kay nia sinsi, tu “a tjalja pazangalan a titjen a cawcau, nakuya ika kemeljang tua tja cinvudan tua tja kinasizuanan. nungidanga saka me’acangamun, izua nu sivalan, palikuzu a ’emeljing a pusaladj tua su ’inaljan, maya a dremaudrav tua napatulu tjanusun a sinsi” naya! aiyanga pa’ulid aicua tja valisakedan! saka kudain madjaljunanga tja kitjaula, uri mavadavadayangaitjen! kemasitucu kumalji kimainu tjara nia pa’enetjen sakamaya a pazazekatj nia sinsi, maljimalji sinsi! maljimalji ayamen auta tua luljayan a pa’uzip a nia matjaljaljak!

預演時那一股濃濃的離愁瀰漫了教室，聽到那些感恩詞，深深感染了每個同學！老師的耐心與愛心的指導、不辭辛勞與不覺厭倦，使我們學到了讀書做人處事，各方面有明顯的成長與表現並明辨是非。

回想起我們曾經一起打球、遊戲、游泳、騎單車、追小鳥，還有笑話及訴苦的種種情景，如今歷歷在目。畢業前夕老師一再地提醒我們，一個人最重要的是要懂得飲水思源，從今後，無論在何時何地，我們將會永遠記得老師的諄諄教誨以及父母養育之恩。