朗聲四起

tucu ’emacuvungangamun tua tjelu a cavilj a kinituluan, sa uri patudur paljevavav tua kakituluan, ulja lemaing tua patjaizua a kakituluan a ca’uan. kemasitucu ladru’anan a nuri pakazuanan, tjara secevung tua maljian a pazangalan, ljakua kanakezeng a tja varung, uri makakilaut sakamaya ika nusikakuda, tjara nuvalain sakamaya! aicu seljavaka’en tjanumun a kitjaulaula, izua za ’u vinarungan, a ’u pasemalav tjanumun!

pa’enetja’en ka na’undukay, izua za kemacalisiasianan a gemugu tua marakangadan nua takumikumian, (tia djaljavan aya, tia rakacan aya, tia vulungan aya)… matjatjuka cemabcabcab azua ljemizaljizav! temalidu aravac!izua za sinan djemuljat a palisian, seljavakitjen tua nasemicuayan . saka azua sinane taliduan, izua a tjemu’ulj, tjemukur, penana’, djemuljat, venaca’,  mekelj, ’emalu, pakuvavav, kemacakac, venangulj, mavaviljic. nu maitucu a seljavak a kicapicapil tua taliduan, a situ makayanga kemasizua kica’uan ta kinacalisianan, azua pinalingulj a djeljep zinugan ta nitjen a  kinacalisianan a tjaucikel, papetemeljal tua tja gakku. kemasi tua kitulu ta situcuan a vecik sisupuan a ljingav, samakayanga pulingalingav tua tja kakudakudan a patjara kakanen, patjara itung, patjara uma’, patjara palisian.      

aza tatuluan ta menalang tua vecik, izua pinarukinavatjesan, pinarucawcauan, pinaruvulungan, pinaru’adavan a maretimaljimalji. kemasicuay tu izuanga tja sikudan tu paljakev tua tja kinaizuanan a kadjunangan, tua tja sikavaljutj. tjalja pumaljimaljitjen tua nakisamulja a gakku, nu kicevungan tua malalumalj tua semupu tua kinacalisianan, i sangasangasan sakamaya a pakaleva, ulja sizangalan a patulu tua tjaivilivililj a kemacalisianan a mapuljat, siayanga za matjaljaljak ulja naparaljuv a papizazaya auta. ayata i tjuma’ a tjaljapa’ulidan a kakituluan ta tja kay a kinacalisianan.

’au timun a kitjaulaula, ulja mun a nakikezeng tua nuvarung, namadaudav a mapuljat, mayaya kipa’eteleng sa sepasaliv, mitemezenganu sakamaya a kitulu tua nemanga sengesengan! ulja makaya kicevungan a venaca’ tua pazangazangal a saliman, sa mavananga kinipaparangezan nua ta’alja’aljan, tjra izua su kamangua’ nutiav nusikatjelu! namayatucu a puzangalan tiamen a nu matjaljaljak angata!

今天恭喜你們畢業，看到學校各項活動都能獲得家長們與社區的肯定。村校聯運傳統民俗才藝，如頂上功夫，負重接力，射箭，刺球，挑水，扛小米，短跑；跳高，踩高蹺，打陀螺，接力，拔河。學校四周有文化圍牆，繪出了排灣風情！學校都有安排族語及文化課程。了解家鄉文化的種種風貌，如飲食服飾住屋生命禮俗等等。

感謝學校的用心，呼籲大家來教導我們的孩子說母語，更希望看到你們比我們更好更有前途，這是我們做家長最期盼的了！