朗聲四起

ika madraudraudrav ika masu saqetjuqtjuwan a ku vinarungan ta tjaucikel ni kama tjai vuvu i mudasan anga, na temukuzan a pusausau tjai madju i tjavatjavang ta nia qinaljan.

maumalj a tja kakudan i kacauwan, maqulip a tja kakudan a kacalisiyan ta pakazelju ta pakivadis tua mamazangiljan. kisaseljan ta nia sikataqaljan ti kama a vaik a muri sengesengan tua sikavaljut na nia kinacemekeljan. sa pakacidjilji ti vuvu i mudasan i tjumaq, sinipaparangez ta nia kaka ta nia ljeqediqedi ti vuvu. kimaya taqiljas saka izuwa ta vinaikan ni kama, mangetjz a nia kaka a pasemalav tu saqetjuqetju ti vuvu aya. secengeceng tu liyav a saliman sa penaula ti kama a pulavay a cuacuay, kivadaq ta tauki a pairang tu ita qadav, sa kisedjam ta tauki ta paday tu papamav ta paudji tu sidjaljun i yumaq, uri pacikecikel i qadaw a vinalj ni kama, aza pakamanguwaq ta kinaqadavan.

paradjama vaik i lizuk, ta djemaljun i tjumaq na qemereng ti vuvu i garaljigalj. mangilu a kinacavacavan sa pazangal a siinasiyan, ika pupicul a migacalj. silikezalj ni kama ta qinaljesaljesav a paday, lja pupicul nu keman aya varung, mutjanudrusa i kisi sa pakipavanavi ulja sepapaulingavan aya varung ni kama. pasa masulem mapurepur ti kama tu vaik, pakeljangan tu pini inu a paday a qatiya, likezalju nu maculja sun ayain ti vuvu, sa papaulingavi turi maumaq anga nu masumiciyu.

satjezen ti kama ni vuvu a patje tjavatjavang i gadugadu, tjaljuketjuketjuk a tukuzan a kitjavilivililj. “maluljay sun tjemazau i tjavatjavang .” ayain ni kama, sa kipakirimu a vaik ti kama. nu palikuzen, tjemuap ta lima ti vuvu matu “sau!sau!” ayaya tjai kama. kiken a pupidapida a palikulikuz aya ti kama, patje maqilja ta gadu a i tjavatjavang.

kimaya sipakatjelulj a qadaw, ta sinaumaqan ni kama, misepi ti kama tjai vuvu, kelju alapu aken aya. kipakirimu a pasaumaq kati kina, djemalju tia madju tjau kaquliqulip a nasi ni vuvu.

patje tucu nu cemalivat amen i tjavatjavang i gadugadu, matu ku langedaan a tjaljuktjuktjuk a tukuzan ni su vuvu aya ti kama.

a tja papaqaljayan ta tja matjaljaljak nakuya tja draudraven, nu nekang i kacauwan kisapesap itjen a paruwarut ta tja pateljipan.

mazazangiljan的貢稅制度變革。父親到外地工作，祖父莫大山被迫獨自生活，祖父病了，是工作最忙的季節，父親請一天假煮稀飯給祖父吃，接著幫他洗澡。傍晚，父親急著要回到工作崗位，祖父堅持要送父親到山頭瞭望點，伴著拐杖的叩叩聲！回去三天後父親做了一個夢，夢見祖父請他回家來接他走，前腳才踏進門祖父就斷了氣。

直到現在，路過山頭的瞭望點時，彷彿還聽得見祖父的拐杖的叩叩聲。孝順要即時，不要等到，風欲靜而樹不止，子欲養而親不待！