朗聲四起

tjitjen a kacalisian liavaravac a tjakakudakudan, selapay a paiwanzuku, ayatua maretjimaljimalji a qiniladjan iqinaljan, nupapungadan inika kina kama kata cemekemekelj a penenetj ta ngadan, mavan a mamazangiljan kata mareka cunguljan a maljavar, nu sinikaljavaranga nu pinakasedjaljepanga sipapungadananga. napenakisumalji aravac aicua sipapungadanan na paiwanzuku! aicu a tjaivililj tjapacunai aicu a paiwanzuku tuki kemuda nu papungadan ta tjausipualjaljak a lumamad.

izua masanmusalj a sipilian ta ngadan na paiwanzuku, a sangasangasan kemasi tua sevalitan a ngadan, teveljen a ngadan na caucau katua ngadan na umaq, pitjailikuzen a ngadan nua umaq, aicu a ngadan nua umaq sinipukeljang tua ljemita paljingan a tacemekeljan, makaya itjen a kemeljang tu na ljayima azua aljak.

a paiwanzuku a cawcau namakeljanganga a qiniladjan i qinaljan, inikamakaya pavalitan a ngadan na caucau kata ngadan nua umaq. nupualjak ta mavana uri masanvusam itjumaq, nu uqaljay a aljak papungadanan ta na vuvu a uqaljay a sini parepatalevalevak a ngadan, nu vavayan a aljak papungadanan ta na vuvu a vavayan a sini parepatalevalevak a ngadan. a paiwanzuku tjarapasusu taicu a papungadan tua aljak niamadju. a sipasanmusalj vaquan a vinqac a ngadan, pacun kasipualjaljak tuki izua anemanema i palingulj sa papungadani, ljakua inika tjuruvu amaya namayatucu a sipapungadanan. pai aicu a ti dripun a ngadan aya, kasipualjak mangtjengtjez a dripung, pai mana si papungadanan ta ti dripun. aicu a ti gadu a ngadan aya, sinipualjak i gadu, pai papungadanan ta ti gadu.aicu a ti kauvuan a ngadan aya, kasipualjaljak namaqaluvu saka rukurukung a quvalj, pai papungadanan ta ti kauvuan. aicu a ti celalaq a ngadan aya, kasipualjaljak zemuzung a kiqazalj aya, pai papungadanan ta ti celalaq. kata aicu a ngadan a ti maliya ti pauluo ti yuhani, avan ka izua anga a ciurukiukai kata tingsiukiukai manasika izua aicua ngadan.

aicu a qaqetitan ikamakaya papungadan tua namamazangiljan a kaniamadjuan a ngadan. kemasimaza pulingalingavanga itjen tua sipapungadangan nua paiwanzuku, katua sisanpazangalan ta ngadan nua paiwanzuku.

排灣族階級分明，名字非父母或家人自己決定的，是由部落頭目和家族一起討論，認為適合嬰兒的身分後才取名字。

排灣族命名有兩種，一是取自祖先流傳之名。排灣族命名的原則是「家屋連名制」，即族名後面加上自己的家屋名，每戶都有自己的家屋名，家屋名是世襲的，是每戶人家的表徵，可以清楚辨識每家的孩子，對於階級制度非常鮮明的排灣族人而言，「家屋連名制」更是階級身分的代表，是不可隨意更換的。族名也大都是世襲而來，例如家中長嗣的嬰孩誕生後，若是男孩則取其祖父流傳之名，若為女孩則取其祖母流傳之名，排灣族人大多依此方式命名。二是新創之名。即依嬰兒出生當時所發生的事件來命名，這種命名方式不多，但很有趣。

排灣族對命名這件事是多麼慎重。