朗聲四起

kasicuayan nu kaljarimuan a sengsengan i vavua, aicu a paiwanzuku tjaljatjenglayan ta mazazeliuliuljan a masengseng. au anema mazazeliuliuljan nu ayayitjeng, mavan na masasevalivalit a masengseng ta ’uma.

na ma’acuvucuvung a namatjevetjevelj a sikasengsengan, ljakua inika papa’adjilj, azua tjiamadju a mare’ali’ali a maredravadrava katua maresudjusudju a ma’acuvucuvung, madjadjaladjalan a vaik a kipusengesengan tjiamadju.

pacun ta sengesengan nupakirimurimuin mana sisangas, matazua masasevalivalit a masengseng a pata ma’acuvung a sengsengan niamadju a penuljat. aicu a namayatucu a sikasengsengan, ikatjen a masupaisu, au djaljav aravac a ma’acuvung a sengsengan uta.

saka tjitjen a mapuljat tja mare kiljivaljivak itjen, tja marasurasudj itjen uta, aku nangua’ aravac a namayatucu a sikasengsengan tua nemanga sengsengan, liavaravac a tjakamangua’ a mapuljat pai.selapai nu patjeyazayazaya anga itjen a masengseng, nuna ’emiladj a mapuljatj sa kipayipayiz ta tjakurung sa senasenay, azua ljingav na senai kipalingulj

tua gadu nguangua’ aravac nutjalangedan, kumalji a cuai anga malangdangda anan azua senay, pai pasamalimanga mapuljatj tua luljayan a masengseng tjiamadju, namaya ta tjaljanguangua’an a zuga nu tjapacunan!

tucu maljian anga zidai izuanga kikayi a sikasengsengseng tua ’uma, patagilj anga paiwanzuku a cawcau a semakikayi a masengseng tua ’uma, manasika pazangal anga itjen a pacun ta sicuayan a mazazeliuliuljan a masengseng, tjuruvu a paiwanzuku a cawcau a patjeljip aravac taicu.

aicu a mazazeliuliuljan nangua’ aravac a kakudan na paiwanzuku, makaya itjen a marepusalasaladj tua tja sengsengan, nangua’ a tja pacikelen satje pazurungan aicu a mazazeliuliulj mavana nangua’.

a na paiwanzuku a nanguangua’ a kakudan inika amin aicu tjara izua anan a zuma a inika tja keljangen, uljatjen na makaya vaik a kipakim a mapuljat , tjara liav atja djumaken a nanguangua’ a kakudan nua paiwanzuku, sa tja sipatatulutulu tja sipazurung mavana makaya izua palalaut, numayatazua mana makaya maljengua’ a tja’inaljan, na marekiljivaljivak saka na marepa’alja’aljay a caucau a mapuljat, tjara napenadjalim aravac a tja’inaljan pai!

過去每逢農忙時期排灣族最常用的工作方式就是「輪工」（mazazeliulj）。顧名思義輪工就是互相換工，這種勞力生產方式不用花錢、完工速度快、又可以培養族人團結合作的精神。只要是比較複雜、比較艱難、比較耗時的工作，排灣族人過去一定都會採用輪工的方式。如蓋新屋、或採收小米和芋頭、修路.…等。

但因農工業發達，族人開始使用機械代替人工，所以在部落社區很難再看到這種輪工的情形，排灣族這樣美好的習俗應該要設法恢復並保持下去才是。