朗聲四起
kasicuayan izua za maresudju a madrusa, ti sa kuljeljeljelje, kati sa muakakai. aza kina nisa muakakai inikana tjenglai tjai sa kuljeljeljelje, ayatua izuanga vinarungan a zuma nimadju, pai kinemnem aza kina ni muakakai tuki kudayin a pavavaday tjiamadju a madrusa. izua ka makatalj, ma’epu’epu a mapuljat a vavayavayan a uri padjulu a seman kakanen tua u’alja’aljai. tazua ranaven a semkaulj aza ti sa muakaikai na kina a sematjatjan a tjezaljum, kudayin aya timadju sa ki’adjilj a vaik a sematjatjan a tjezaljum.
inikacuay masasuitaita a mangetjez a na’emaljup a u’alja’aljai, aza tjakaljavaljava a vavayavayan i ’inaljan, pakirimu a malap tua kinasengeseng a cinavu sa patjavangan tua u’alja’aljai a semululjayan. au tisa muakakai na masilevan a uri pakaleva tjaisa kuljelje ta cinavu nimadju. manu tazua ka pavavala keman tisa kuljeljeljelje, maumalj i sauniuni aza mudjingan ni madju… manu ’uvalj na’acang aza sinipaluvluv! aicu tjara pasaliv aya kinemenem tisa muakakai ka pacun tua mudjingan nisa kuljeljeljelje, tjara pinavalitan nikina aza paluveluv aya tisa muakakai.
aki ken na kemuda nu maytucu aya tisa muakakai, sa paljelalaing a pacun tua kinatjengelayan a sudju nimadju a namasi suraman a vaivaik… kacuayanga pakirimu a lemaying tisa muakakai tjai sa kuljeljeljelje, sa ’emau’aung a ki’aung tjai sa kuljeljeljelje,” mayavaik ari cikeli a semauma!” ayain! ljakua mayatucu a ’ivu tisa kuljeljeljelje,” kudayin a ika selaying a su matjaljaljak tjanuitjen, sau cikulu a semauma’!” aya tisa kuljeljeljelje!
ljakua aza tisa muakakai ini ka malegleg a varung nimadju, tjengelay sakamaya ta kiayan tjai sa kuljeljeljelje! tazua kipidanga djinavacan niamadju, semekez anan sa kiljaljaung tjiamadju, manu pasa tjemengez sa sekata’ed ka cuayanga ti sa muakakai. a-i-yanga! ikakemeljan tu vaivaikan nisa kuljeljeljelje ti sa muakakai, ka uri vaik ti sa kuljeljeljelje tazua, inadju’ a kinatjenglayan a kuang nimadju a pitjuljivar tjai sa muakakai, mana ljemakev tjaisa mukakai a palalaut siniaya. manu ka paceged tisa muakakai namaya ta nema a pageric sa “kuljelje! kuljelje!” ayaya ’emau’au’av! ljakua neka sakamaya tisa kuljeljeljelje.
patjetucu nu lemangda itjen taicu a nisa muakakai kati sa kuljeljeljelje a milimilingan, pu a-yi itjen taza parekatjenglai niamadju a madrusa!
有對很相愛的戀人，男的叫kuljeljeljelje，女的叫muakakai。muakakai的媽媽不喜歡kuljeljeljelje，一直想拆散他們。有一次去山上打獵的男士們揹著獵物回來， muakakai把cinavu端給kuljeljeljelje，頓時kuljeljeljelje的臉色很難看，原來裡面包的餡是豬毛！muakakai的直覺是媽媽將餡調包。她哭著哀求kuljeljeljelje不要走，kuljeljeljelje說：「我們的愛就到此為止，妳要順從父母的心。」但是muakakai決定要跟隨kuljeljeljelje！一天當muakakai醒來時，不見kuljeljeljelje，她一直喊：「kuljeljeljelje！kuljeljeljelje！」卻不見他的身影。
每次聽到有關kuljeljeljelje和muakakai的傳說故事，都會同情並惋惜他們的愛情故事。